ქართველი ოლიმპიური პრიზიორები ლაშა ტალახაძე,გენო პეტრიაშვილი და გივი მაჭარაშვილი სამშობლოში დაბრუნდნენ. სპორტსმენებს აეროპორტში გულშემატკივრები და ოჯახის წევრები დახვდნენ.

საქართველოს ოლიმპიურმა დელეგაციამ მედლების საერთო ჩათვლაში პარიზის 2024 წლის ზაფხულის თამაშები 24-ე ადგილზე დაასრულა.

პარიზის ოლიმპიადა საქართველოს დამოუკიდებლობის ისტორიაში ყველაზე წარმატებული გამოდგა. ქართველმა სპორტსმენებმა სამი ოქროს, სამი ვერცხლისა და ერთი ბრინჯაოს მედალი მოიპოვეს.

საქართველოს ოლიმპიური ნაკრებისთვის პარიზი 2024-მდე ყველაზე წარმატებული პეკინი 2008 იყო, სადაც სამი ოქროს, ორი ვერცხლის და ორი ბრინჯაოს მედლის აღება შევძელით.