რუსეთის ფედერაციის საგარეო საქმეთა სამინისტროს პრესსპიკერი, მარია ზახაროვა კურსკში უკრაინის შეიარაღებული ძალების შეტევას ბრიფინგზე გამოეხმაურა.
ზახაროვას მტკიცებით, კურსკის ოლქში დატყვევებული უკრაინის შეიარაღებული ძალების წარმომადგენლები აღიარებენ, რომ წინააღმდეგობის დროს მშვიდობიანი მოსახლეობის დახვრეტის ბრძანება მიიღეს.
„კურსკის ოლქში დატყვევებული უკრაინის შეიარაღებული ძალების „ბოევიკები“ აღიარებენ, რომ წინააღმდეგობის გაწევის დროს მშვიდობიანი მოსახლეობის დახვრეტის ბრძანება მიიღეს. სახიფათო ტერიტორიიდან ევაკუაციის დროს, შეიარაღებული ფორმირებები მშვიდობიან მოქალაქეებს განურჩევლად ესროდნენ. ტყვედ ჩავარდნილებმა თქვეს, რომ წინააღმდეგობის გაწევის შემთხვევაში უმოწყალოდ დახვრეტის ბრძანება მიიღეს“, -
აცხადებს მარია ზახაროვა.
ინფორმაციისთვის, 6 აგვისტოს უკრაინის შეიარაღებული ძალების ქვედანაყოფები რუსეთის ტერიტორიაზე, უკრაინის სუმის ოლქთან მოსაზღვრე კურსკის ოლქში შევიდნენ.
უკრაინის არმიის მთავარსარდალმა ოლექსანდრ სირსკიმ 13 აგვისტოს განაცხადა, რომ კურსკის ოლქში 74 დასახლებულ პუნქტს აკონტროლებენ.
| სარეკლამო ადგილი - 11 650 x 60 |
