დიალიზის სერვისი უკვე ფოთშიც ხელმისაწვდომია. აქამდე, სიცოცხლისთვის აუცილებელი სერვისის მისაღებად, ჰემოდიალიზზე დამოკიდებულ პირებს, საცხოვრებელი ადგილიდან ათობით კილომეტრის მოშორებით წასვლა უწევდათ.

ახალი სამედიცინო სივრცე დიალიზისთვის საჭირო აპარატურით სრულად აღიჭურვა და ის 30 პაციენტს მოემსახურება.

პროგრამის გაფართოება, ჯანდაცვის სამინისტრომ, 2022 წელს დაიწყო. დღევანდელი მონაცემებით კი დიალიზის სერვისი 50 მუნციპალიტეტშია ხელმისაწვდომი, სახელმწიფო დაფინანსებით კი 2600 პაციენტი სარგებლობს.