116
10 სექტემბერი 2024, 21:27
პოლონეთის პრემიერ-მინისტრი დონალდ ტუსკი აცხადებს, რომ გერმანიის გადაწყვეტილება ყველა სახმელეთო საზღვარზე კონტროლის დაწყების შესახებ ვარშავისთვის მიუღებელია და „დე ფაქტო შენგენის ზონის მოქმედების შეჩერებას ნიშნავს“.
პოლონური მედიის ცნობით, ეს განცხადება ტუსკმა პოლონელ დიპლომატებთან შეხვედრაზე გააკეთა.
ტუსკის თქმით, პოლონეთს არ შეუძლია, დაეთანხმოს გერმანიის გადაწყვეტილებას.
„ჩვენ თხოვნით მივმართავთ სხვა ქვეყნებს, რომლებზეც გავლენას მოახდენს ბერლინის ეს გადაწყვეტილებები, რომ სასწრაფოდ გაიმართოს კონსულტაციები ამ საკითხზე ევროკავშირის საპასუხო ქმედებების შესახებ, გერმანიის სახელმწიფოს ყველა მეზობელთან“, – აღნიშნა ტუსკმა.
ცნობისთვის, 9 სექტემბერს გერმანიის შინაგან საქმეთა მინისტრმა, ნენსი ფეზერმა განაცხადა, რომ ბერლინი სასაზღვრო კონტროლის გერმანიის ყველა საზღვარზე აღადგენს.
| სარეკლამო ადგილი - 11 650 x 60 |
