საქართველოს კულტურისა და სპორტის სამინისტროს მხარდაჭერით მოკრივე გოგონათა ნაკრებმა პოლონეთის ქალაქ გლივიცეში გამართულ პრესტიჟულ საერთაშორისო ტურნირზე მიიღო მონაწილეობა. ქართველმა გოგონებმა შეჯიბრება 1 ოქროს, 1 ვერცხლისა და 1 ბრინჯაოს მედლით დაასრულეს.

წარმატება მოკრივე გოგონებს საქართველოს კულტურისა და სპორტის მინისტრის მოადგილე კობა ხუბუნაიამ მიულოცა; სპორტსმენებს ელოდნენ გულშემატკივრები და ახლობლებიც.

ტურნირის ჩემპიონი რაჰიბა ისმაილოვა (48 კგ) გახდა, რომელმაც გადამწყვეტ შეხვედრაში უკრაინელი სოფია ტურბინინა 4:1 დაამარცხა. ვერცხლის მედალი მიიღო ჰურამან კასუმოვამ (57 კგ), თათია ბუკიამ (81 კგ) კი ბრინჯაოს მედალი მოიპოვა.

ინფორმაციას საქართველოს კულტურისა და სპორტის სამინისტრო ავრცელებს.