ტელეკომპანია „იმედში“ ცენტრალური საარჩევნო კომისიის საინფორმაციო კამპანია გაიმართა. ადმინისტრაციის წარმომადგენლებმა დეტალურად ახსნეს, როგორ ჩატარდება 26 ოქტომბრის არჩევნები თითქმის ყველა საარჩევნო უბანზე ელექტრონულად, თანამედროვე ტექნოლოგიების გამოყენებით.

დაისვა კითხვები და „იმედის“ ჰოლდინგის თანამშრომლებმა მონაწილეობა მიიღეს იმიტირებულ არჩევნებში.

საარჩევნო რეფორმის შედეგად იცვლება ამომრჩევლის ვერიფიკაციის და ხმის მიცემის პროცედურები. შესაბამისად, ტექნოლოგიური სიახლეების შესახებ ამომრჩეველთა ინფორმირება საარჩევნო ადმინისტრაციის ერთ-ერთი მთავარი პრიორიტეტია.