ძალიან სამწუხაროა, რომ როდესაც ასეთი ტიპის ტრაგედიები ხდება ჩვენ ქვეყანაში, შოვის ტრაგედიით დაწყებული, ვაკის პარკში დაღუპული ბავშვის ტრაგედია, ხორავას ქუჩის ტრაგედია და ასე შემდეგ. ნებისმიერ ასეთ შემთხვევას სამწუხაროდ ჩვენი ოპონენტები იყენებენ პოლიტიკური დღის წესრიგისთვის, არც გამოძიებას არ ელოდებიან, - განაცხადა საპარლამენტო ფრაქცია „ქართული ოცნების“ თავმჯდომარის მოადგილემ ლევან მაჭავარიანმა ბათუმში მომხდარ ტრაგედიასთან დაკავშირებით საუბრისას.

„მე ძალიან მინდა რომ ვცდებოდე, მაგრამ განცდა მაქვს, რომ უხარიათ როდესაც ასეთი ტიპის ტრაგედია ხდება ჩვენ ქვეყანაში და ეს არის რა თქმა უნდა ყოვლად მიუღებელი, ამორალური და ამაზრზენი მათი მხრიდან“, - აღნიშნა მაჭავარიანმა.