ისრაელის სამხედროებმა დაადასტურეს, რომ ირანის სახელმწიფო ტელეარხ IRINN-ის სტუდიას თავს დაესხნენ. ინფორმაციას ტელეკომპანია CNN-ი ავრცელებს.
ისრაელის თავდაცვით ძალებში აღნიშნეს, რომ მათმა საჰაერო ძალებმა „დაზვერვის სამმართველოს მიერ მიწოდებული ინფორმაციის საფუძველზე ზუსტი იერიში მიიტანეს საკომუნიკაციო ცენტრზე, რომელსაც ირანის შეიარაღებული ძალები სამხედრო მიზნებისთვის იყენებდა“.
„შენობას ირანის შეიარაღებული ძალები სამოქალაქო საქმიანობის საფარქვეშ იყენებდა, რითაც ფარავდა ცენტრის ინფრასტრუქტურისა და აქტივების სამხედრო მიზნებისთვის გამოყენებას. ამ თავდასხმამ პირდაპირ ზიანი მიაყენა ირანის შეიარაღებული ძალების სამხედრო შესაძლებლობებს“, - აღნიშნულია განცხადებაში.
„თავდასხმამდე ისრაელის თავდაცვითმა ძალებმა მოსახლეობა წინასწარ გაფრთხილეს, მათ შორის სატელეფონო ზარების მეშვეობით. იერიში განხორციელდა ზუსტი მეთოდით, რათა მაქსიმალურად შეემცირებინათ მშვიდობიანი მოსახლეობისთვის მიყენებული ზიანი“, - აღნიშნულია განცხადებაში.
| სარეკლამო ადგილი - 11 650 x 60 |
