222
20 ივლისი 2025, 12:06
ჩვენ რომ დასავლეთის რჩევებისთვის მოგვესმინა, დღეს ჩვენი ქვეყანა, სულ მცირე, ორ მეზობელთან ომის მდგომარეობაში იქნებოდა, - განაცხადა აზერბაიჯანის პრეზიდენტმა შუშის გლობალურ მედია ფორუმზე. ილჰამ ალიევის თქმით, აზერბაიჯანელებმა ძლიერი სახელმწიფო შექმნეს, რომელიც ეკონომიკური განვითარებით ევროპულ ქვეყნებსაც უსწრებს. აზერბაიჯანის ლიდერის თქმით, აზერბაიჯანი დასავლეთისგან არა რჩევებს, არამედ პატივისცემას იმსახურებს.
„ჩვენ შევამცირეთ სიღარიბის მაჩვენებელი 5%-მდე, მაშინ როდესაც საფრანგეთში ეს მაჩვენებელი გაცილებით დიდია. აზერბაიჯანელებმა ააშენეს ძლიერი ქვეყანა, ძლიერი ეკონომიკით. მათი რჩევებისთვის რომ მოგვესმინა, ვერასდროს დავიბრუნებდით ყარაბახს და დღეს ვიქნებოდით დამოკიდებულები მსოფლიოს სავალუტო ფონდსა და მის სტრატეგიაზე დაყონ და მართონ. ჩვენ ვცხოვრობთ ჩვენი ცხოვრებით, არ ვკარნახობთ ევროპელებს როგორ მოიქცნენ, ვისზე დაქორწინდნენ, რა ჭამონ. ჩვენც იგივე გვსურს. გვინდა პატივისცემა, იმის გაცნობიერება, რომ ეს ჩვენი ცხოვრებაა, ჩვენი მიწაა და ჩვენ ვაკეთებთ იმას, რასაც აზერბაიჯანელი ხალხი გვეუბნება“, - განაცხადა ალიევმა.
| სარეკლამო ადგილი - 11 650 x 60 |
