62
02 დეკემბერი 2025, 21:26
თბილისის საქალაქო სასამართლოში კონსტანტინე ჩახუნაშვილის გამოკითხვა იწყება. აქტივისტი ჩახუნაშვილი უკვე სასამართლოშია. როგორც ცნობილია, მან სახელმწიფო უსაფრთხოების სამსახურში გამოკითხვაზე მისვლაზე უარი თქვა და თბილისის საქალაქო სასამართლოში მოსამართლის თანდასწრებით გამოიკითხება.
სასამართლოში შესვლამდე BBC-ის ინფორმაციასთან დაკავშირებით მან „ქრონიკის“ კითხვებს არ უპასუხა. „ქრონიკამ“ კითხვებით მიმართა აქტივისტის მამას, გიორგი ჩახუნაშვილსაც, რომელიც ამბობს, რომ ეს კითხვები სირცხვილია.
BBC-იმ გამოაქვეყნა სტატია, რომელშიც საუბარია იმაზე, რომ „ქართული ოცნების“ ხელისუფლებამ აქციაზე პირველი მსოფლიო ომის დროინდელი ქიმიური იარაღი გამოიყენა. „ქართული ოცნება“ BBC-ის წინააღმდეგ საერთაშორისო სასამართლოებში სამართლებრივ დავას იწყებს. ამასთან, სახელმწიფო უსაფრთხოების სამსახურმა BBC-ის მიერ საჯარო სივრცეში დანაშაულის შესახებ გავრცელებულ ინფორმაციასთან დაკავშირებით გამოძიება დაიწყო. მის მიერ ჩატარებულ კვლევასთან დაკავშირებით პედიატრი, კონსტანტინე ჩახუნაშვილი სუსში დაიბარეს.
| სარეკლამო ადგილი - 11 650 x 60 |
