თვითმხილველთა ინფორმაციით, "საქართველოს ბანკის" თავდამსხმელი ხელყუმბარითაა შეიარაღებული
სარეკლამო ადგილი - 10
650 x 60
72 09 სექტემბერი 2021, 16:40

რამდენიმე წუთის წინ შეიარაღებული თავდასხმა მოხდა ყვარელში "საქართველოს ბანკის" ფილიალზე.

არსებული ინფორმაციით, შეიარაღებულმა პირმა ბანკში, სავარაუდოდ, 15-მდე ადამიანი აიყვანა მძევლად. თვითმხილველთა თქმით, თავდამსხმელმა ბანკიდან რამდენიმე მომხმარებელი და თანამშრომელი გამოუშვა, რომლებიც ამ დროისთვის პოლიციაში იმყოფებიან.  

თვითმხილველთა თქმით, სპორტული აღნაგობის თავდამსხმელს სახე დაფარული ჰქონდა და ხელში ხელყუმბარა ეკავა, ის ბანკში შევარდა ყვირილით. ბანკის შენობიდან გაქცევა მოახერხეს თანამშრომლებმა, თუმცა, შენობაში რამდენიმე თანამშრომელი და მომხმარებელია დატყვევებული.  

ამ დროისთვის ადგილზე სამართალდამცველები არიან მობილიზებულნი და მიმდინარეობს მიმდებარე ტერიტორიის ევაკუაცია. 

 დაუზუსტებელი ინფორმაციით, თავდამსხმელი მძევლების სანაცვლოდ ნახევარ მილიონ ლარს ითხოვს.

სარეკლამო ადგილი - 11
650 x 60
არქივი