ის, რაც დმანისში მოხდა, სამწუხაროდ არის იმის შედეგი, რომ „ნაციონალური მოძრაობა“ არ ემზადება არჩევნებისთვის, მათთვის 2 ოქტომბერი არ არის რაიმე ნიშნული. მათ სჭირდებათ ეს არჩევნები, როგორც საბაბი იმისთვის, რომ შემდგომ გამოიწვიონ დესტაბილიზაცია და ამ საბაბისთვის სწორედ ასეთი ინციდენტები სჭირდებათ, - ამის შესახებ „ქართული ოცნების“ საზოგადოებასთან ურთიერთობის მდივანმა შალვა პაპუაშვილმა „იმედი LIVE“- ში განაცხადა.
მან გაიხსენა ხელვაჩაურში მომხდარი ინციდენტი, როდესაც მისი თქმით, მერობის კანდიდატი მმართველი პარტიის კანდიდატის წინასაარჩევნო შეხვედრაზე მცირეწლოვან ბავშვთან ერთად მივიდა და მის ჩაშლას შეეცადა.
„კიდევ ერთხელ მოვუწოდებ ჩვენს შტაბებს, რომ არჩევნებამდე 10 დღე რჩება და რთული იქნება ეს პერიოდი, ვინაიდან „ნაციონალური მოძრაობა“ წავა ყველაფერზე იმისთვის, რომ გამოიწვიოს ასეთი ინციდენტები. უნდა გავუძლოთ ამას ჩვენი ქვეყნისთვის. ამიტომ მოთმინება პირველ რიგში და ასევე ყველაფრის დაფიქსირება ტელეფონით“, - განაცხადა შალვა პაპუაშვილმა.
| სარეკლამო ადგილი - 11 650 x 60 |
