221
13 ოქტომბერი 2021, 15:55
რაც შეეხება ავიაბილეთებს, აუდიტორებისთვის განსაკუთრებით საინტერესო აღმოჩნდა, ვანკუვერი-სიეტლი-ამსტერდამი-თბილისი ავიარეისი, რადგან მომსახურებით უშუალოდ მიხეილ სააკაშვილს არ უსარგებლია, თუმცა მგზავრობა სწორედ პრეზიდენტის დავალებით, სახელმწიფო დაცვის სამსახურის ბიუჯეტიდან დაფინანსდა.
საუბარია ეკონომიკის ყოფილი მინისტრის ვერა ქობალიას მშობლების კანადიდან თბილისში ჩამოყვანასა და შემდეგ უკან - თბილისიდან კანადაში გამგზავრებაზე. აუდიტის მიერ გამოკვლეული დოკუმენტებით ცნობილი ხდება, რომ ვერა ქობალიას მშობლების მგზავრობა ბიუჯეტს 33 ათას 336 ლარი დაუჯდა.
"საქართველოს პრეზიდენტის დაცვის მთავარი სამმართველოს პირველი განყოფილების უფროსის პატაკის მონაცემებით ოთარ ქობალიასა და მერი ერისთავის სამგზავრო ბილეთებით მომსახურებაზე, ვანკუვერი-სიეტლი-ამსტერდამი-თბილისი-მიუნხენი-ფრანკფურტი-ვანკუვერის მიმართულებით (ჩამოსვლა 2010 წლის 19 დეკემბერი, გამგზავრება 2011 წლის 4 იანვარი) ბიუჯეტიდან ანაზღაურებულია თითოეულზე 16,683 ლარი - სულ 33,366 ლარი. ანალოგიურად, 2011 წლის 22-29 აგვისტოს ნინა ქობალიასთვის (ყოფილი მინისტრის და) სამგზავრო ბილეთების მომსახურებაზე ასევე ბიუჯეტიდან ანაზღაურებულია 4,911 ლარი", - ვკითხულობთ აუდიტის დასკვნაში.
სარეკლამო ადგილი - 11 650 x 60 |