საქართველოს პარლამენტის ადამიანის უფლებათა დაცვის კომიტეტის თავმჯდომარის მიხეილ სარჯველაძის განცხადებით, მიხეილ სააკაშვილის საპატიმროში ყოფნის პერიოდში, იუსტიციის სამინისტროსა და პენიტენციური სამსახურს მისამართით რამე საყვედური, ექსპრეზიდენტის უფლებების დარღვევის კუთხით, არ არსებობს.
„ამ დროისთვის სწორად ეს იყო ჩვენი ჩვენი შეხვედრის მიზანი, რომ შევთანხმებულიყავით იმ მექანიზმებზე, რითაც ეს გაკონტროლდება. ამ მონაცემებით, საფუძველს ვერ ვხედავ საიმისოდ, რომ რაიმე ბრალდება იქნას წაყენებული, ან რაიმე საყვედური იქნას თქმული პენიტენციური სამსახურის და იუსტიციის სამინისტროს მიმართ. ყველა სტანდარტი და უფლება, რომელიც არის მოქმედი კანონდებლობით და თანამედროვე სტანდარტით გათვალისწინებული, დაცულია და რაიმე საპირისპიროს დასაბუთების საფუძველი ობიექტურად არ მოიპოვება.
მომავალშიც გაგრძელდება და სწორად ამაზე შევთანხმდით, რა ფორმატით ვიმუშავებთ და როგორ იქნება ინფორმაციის მონაცვლეობა საიმისოდ, რომ გამორიცხული იყოს ყოველგვარი სპეკულაცია.
პერსონალური მონაცემები ზოგადად, ეს არის სტანდარტი, ყველას ევალება, რომ დაცული იყოს. შესაბამისად, ამ კუთხითაც გვქონდა საუბარი. გვაქვს რეალური გეგმა იმასთან დაკავშირებით, როგორ მოხდება სამომავლოდ პრევენცია ასეთი სამართლებრივი დარღვევების“, - განაცხადა მიხეილ სარჯველაძემ.
მიხეილ სააკაშვილის ჯანმრთელობის მდგომარეობის შესწავლასთან დაკავშირებით, იუსტიციის მინისტრი პარლამენტის წევრებს, ჯანდაცვის მინისტრს და სახალხო დამცველს შეხვდა.
| სარეკლამო ადგილი - 11 650 x 60 |
