სარეკლამო ადგილი - 1
976 x 90
საქართველოს პრეზიდენტმა ავსტრიაში ოფიციალური ვიზიტი დაასრულა
სარეკლამო ადგილი - 10
650 x 60
2 14 ოქტომბერი 2021, 10:12

საქართველოს პრეზიდენტმა ავსტრიაში ოფიციალური ვიზიტი დაასრულა. ვიზიტის ბოლოს სალომე ზურაბიშვილმა ავსტრიის რესპუბლიკის სახელმწიფო საგანძურის საცავი, თანამედროვე ხელოვნების მუზეუმი და ვენის სახელმწიფო ოპერის, სახელმწიფო თეატრისა და სახალხო ოპერის დეკორაციებისა და კოსტიუმების სახელოსნო Art-For-Art დაათვალიერა.

კულტურის საკითხებში საქართველოს პრეზიდენტის მრჩეველი კოტე ნაცვლიშვილი აცხადებს, რომ ავსტრიის ეროვნულ საგანძურს ვენის სამუზეუმო ლანდშაფტში განსაკუთრებული ადგილი უჭირავს და მას კულტურის პოლიტიკის კუთხით განსაკუთრებული ფუნქციები აქვს მინიჭებული. იგი წარმოაჩენს ავსტრიის, როგორც კულტურული ქვეყნის ადგილს მსოფლიო ისტორიის კონტექსტში.

„სახელმწიფო საგანძურის საცავს მნახველი არ აკლია, რაც მოწმობს იმას, რომ დღეს საზოგადოება დაინტერესებულია ამ პერიოდის ხელოვნების ნიმუშებით და ეს განწყობა ჩვენ, რა თქმა უნდა, გვიჩენს დიდ შანსს, რომ ჩვენი ეროვნული საგანძურიც წარმოადგენდეს საერთაშორისო ხელოვნებით დაინტერესებული საზოგადოების მიზიდულობის ერთ-ერთ მთავარ ცენტრს“, – განაცხადა კოტე ნაცვლიშვილმა.

პრეზიდენტის პრესსამსახურის ინფორმაციით, Art for Art სახელოსნო, რომელიც საქართველოს პრეზიდენტმა დაათვალიერა, ემსახურება ვენის უმთავრეს თეატრებს, მათ შორის ორ სახელმწიფო ოპერასა და დრამატულ თეატრს და ამზადებს როგორც სცენის დეკორაციებს, ასევე კოსტიუმებსა და რეკვიზიტს. მათ შორის თანამედროვე ტექნოლოგიური განვითარებით, რაც კოსტიუმებსა და დეკორაციას მექანიზებულს ხდის და დამკვეთის ნებისმიერ მოთხოვნას აკმაყოფილებს.

Art for Art სახელოსნო ვენის სახელმწიფო თეატრებთან და ზალცბურგის მუსიკალურ ფესტივალთან ერთად, მეზობელი ქვეყნების თეატრებსა და კინოსტუდიებს ემსახურება.

„პრეზიდენტმა Art for Art სახელოსნოს ხელმძღვანელობასთან განიხილა სამხატვრო აკადემიის სტუდენტების სტაჟირების შესაძლებლობები. პრეზიდენტის ინიციატივით, დაიწყება მუშაობა ქართველი სტუდენტების სტაჟირებისთვის, როგორც დეკორაციების და რეკვიზიტის მიმართულებით, ასევე კოსტიუმების მიმართულებით“, – აღნიშნულია პრეზიდენტის პრესსამსახურის ინფორმაციაში.

სარეკლამო ადგილი - 11
650 x 60
კახა კალაძე - ყოველწლიურად გვექნება გათვალისწინებული ათეულობით მილიონი ლარი იმისთვის, რომ დავიწყოთ ყველაზე ავარიული სახლების ჩანაცვლება ახალი ბინებით, საბჭოთა ძველი არქიტექტურა ჩანაცვლდება ახალი, თანამედროვე არქიტექტურით
კახა კალაძე - მე, როგორც ერთი რიგითი პოლიტიკოსი, „ქართული ოცნების“ გენერალური მდივანი, მერობის კანდიდატი, მზად ვარ გადავდგა კონკრეტული ნაბიჯები იმისთვის, რომ რაც შეიძლება მალე ეს პოლარიზება ნელ-ნელა დავასრულოთ
კახა კალაძე - მეორე ტურში კიდევ უფრო მეტი შემართებით ვართ, მეტად მობილიზებულები და დარწმუნებული ვარ, თბილისის მოსახლეობის უმრავლესობა მხარს დაუჭერს ქალაქის განვითარებას, სიმშვიდეს, სტაბილურობას და აღმშენებლობას
სააკაშვილის პირადი ექიმი - სააკაშვილი თანახმაა კონსილიუმზე, თანახმაა ტესტებზე, წამლებზე. განწყობა აქვს ძალიან მხნე
აშშ-ის თავდაცვის უწყება - საქართველოში ვიზიტის ფარგლებში აშშ-ის თავდაცვის მდივანი ლოიდ ოსტინი პრემიერ-მინისტრ ირაკლი ღარიბაშვილს და თავდაცვის მინისტრ ჯუანშენ ბურჭულაძეს შეხვდება.
არქივი