ბათუმის საკრებულოში დილიდან ხმაურია
სარეკლამო ადგილი - 10
650 x 60
21 26 ნოემბერი 2021, 10:14

ბათუმის საკრებულოში დილიდან ხმაურია. ბათუმის მერი არჩილ ჩიქოვანი და „ერთიანი ნაციონალური მოძრაობის“ წევრები სიტყვიერად დაუპირისპირდნენ. ოპოზიციონერების განცხადებით, „ქართულ ოცნებას“ არ აქვს უფლება წინა მოწვევის საკრებულოშეიკრიბოს და მერიის ბიუჯეტი დაამტკიცოს. 

 ბათუმის მერმა არჩილ ჩიქოვანმა განაცხადა, რომ ბათუმის საკრებულო კანონის ფარგლებში, რეგლამენტის დაცვით მოქმედებს.

მანამდე კი,  აჭარის უმაღლეს საბჭოში „ნაციონალური მოძრაობის“ წევრ ელგუჯა ბაგრატიონსა და საკრებულოს დამოუკიდებელ დეპუტატ რაულ თავართქილაძეს შორის მოხდა დაპირისპირებაა.

„ნაციონალური მოძრაობის“ წევრები მოითხოვენ, რაულ თავართქილაძემ საკრებულოს შენობა დაუყოვნებლივ დატოვოს, რადგან ის კოვიდინფიცირებულია.

  „ნაციონალური მოძრაობის“ წევრის, ლევან ანთაძის თქმით, რაულ თავართქილაძე გუშინ ბიუროს სხდომაზეც გამოცხადდა, ამიტომ ბიუროს სხდომაზე მყოფი ყველა დეპუტატი თვითიზოლაციაში უნდა გადავიდეს. 

ლევან ანთაძის თქმით, რაულ თავართქილაძე საკრებულოს სხდომაზე იმიტომ გამოჩნდა, რომ წინა მოწვევის საკრებულოსთან ერთად ბიუჯეტის დამტკიცებაში მიიღოს მონაწილეობა.

თავის მხრივ, რაულ თავართქილაძე აცხადებს, რომ ინფიცირებული არ არის და მას ამის დასადასტურებლად სწრაფი ანტიგენ ტესტი აქვს გაკეთებული. თავართქილაძის თქმით, მისი მეუღლე არის ინფიცირებულთან კონტაქტში მყოფი პირი და ამის გამო თვითიზოლაციაში იმყოფება.

ბათუმის საკრებულოს შენობასთან სამართალდამცველები არიან მობილიზებული.

შეგახსენებთ, რომ საკრებულოების ახალი შემადგენლობის უფლებამოსილება ჯერჯერობით ცნობილი არ არის, რის გამოც საქმიანობას საკრებულოების აქამდე არსებული შემადგენლობა განაგრძობს. ახლად არჩეული საკრებულოების უფლებამოსილების ცნობისთვის პირველი სხდომის თარიღი ცესკომ უნდა დანიშნოს. 


სარეკლამო ადგილი - 11
650 x 60
არქივი