ირაკლი ღარიბაშვილი თურქეთის რესპუბლიკის ელჩს საქართველოში ფატმა ჯერენ იაზგანს შეხვდა
სარეკლამო ადგილი - 10
650 x 60
115 20 იანვარი 2022, 10:58
საქართველოს პრემიერ-მინისტრი ირაკლი ღარიბაშვილი თურქეთის რესპუბლიკის ელჩს საქართველოში ფატმა ჯერენ იაზგანს შეხვდა.

საუბარი შეეხო ორი ქვეყნის სტრატეგიულ პარტნიორობას და პოზიტიურ დინამიკას ორმხრივ ურთიერთობებში.

მხარეებს შორის ერთ-ერთი ძირითადი განსახილველი საკითხი იყო თურქეთის ბაზრის გახსნა და მაღალი ხარისხის GMP სტანდარტების შესაბამისი წამლების შემოტანა, რაც მნიშვნელოვნად, სწრაფად გააიაფებს მედიკამენტების ფასებს საქართველოში.

ხაზი გაესვა, რომ არსებული რეგიონული პროექტები საქართველოსა და თურქეთს შორის ეფექტური სტრატეგიული თანამშრომლობის, მდგრადი განვითარებისა და საიმედო პარტნიორობის ნათელი მაგალითია, რაც თავის მხრივ ქვეყნებისთვის მეტი ეკონომიკური დამოუკიდებლობის, უსაფრთხოებისა და მდგრადობის მომტანია. პრემიერ-მინისტრმა აღნიშნა, რომ მეზობელ ქვეყნებთან ეფექტური რეგიონული თანამშრომლობა უსაფრთხოების, სტაბილურობისა და მდგრადი განვითარების გზაა.

გამოითქვა მზაობა, თანამშრომლობის კიდევ უფრო მეტად გაღრმავებაზე, მათ შორის პოლიტიკური და ეკონომიკური მიმართულებებით.

შეხვედრისას, ყურადღება დაეთმო უმაღლესი დონის სტრატეგიული თანამშრომლობის საბჭოს მომავალ სხდომას. აგრეთვე, საუბარი შეეხო სამომავლო ნაბიჯებს, რომელიც საქართველოსა და თურქეთის რესპუბლიკას შორის თავისუფალი ვაჭრობის შეთანხმების განხორციელების გზაზე უნდა გადაიდგას.

აღინიშნა, რომ გლობალური პანდემიის გამოწვევების დაძლევის კუთხით უდიდესი მნიშვნელობა ენიჭება ერთობლივ ძალისხმევას და გამოითქვა იმედი, რომ პანდემიის წინააღმდეგ საქართველოსა და თურქეთის მჭიდრო თანამშრომლობა კვლავ დღის წესრიგში დარჩება.

ირაკლი ღარიბაშვილმა თურქეთის მხარეს საქართველოს ტერიტორიული მთლიანობისა და სუვერენიტეტის მტკიცე მხარდაჭერისთვის მადლობა გადაუხადა. მთავრობის მეთაურმა ხაზი გაუსვა ელჩის მნიშვნელოვან წვლილს ქვეყნებს შორის ორმხრივი ურთიერთობების განვითარებაში.
სარეკლამო ადგილი - 11
650 x 60
ირაკლი კობახიძე - ძალიან მიხარია, რომ ახალი მთავრობის საქმიანობის პირველივე თვე აღინიშნა მაღალი ეკონომიკური ზრდით, გვაქვს იმედი, რომ ამ ტენდენციას შევინარჩუნებთ
ირაკლი კობახიძე - დისკუსია იყო ძალიან საინტერესო, ძალიან ღირებულია ის რჩევები, რომლებიც მივიღეთ სტუდენტებისგან, ამ რჩევებს აუცილებლად გავითვალისწინებთ
ირაკლი კობახიძე - ხაზარაძე, მელია, გვარამია და სხვები ოფიციალურად მხილებული არიან დანაშაულში, როცა ასეთები გამოთქვამენ პოლიტიკაში ყოფნის პრეტენზიას, ხალხი წარმატების შანსს ვერ მისცემს
ძალადობას, მუქარასა და იძულებაში ბრალდებული სპეციალური პენიტენციური სამსახურის უფროსი ინსპექტორი დააკავეს
პრეზიდენტი არჩევნებში დიასპორის მონაწილეობაზე - მნიშვნელოვანი ხარვეზია, რომ საგარეო არ მონაწილეობს შეხვედრებში, უარს ამბობს და პასუხისმგებლობას იხსნის, რაც გაუგებარია
არქივი