112
29 ივნისი 2022, 14:26
საპარლამენტო უმრავლესობის წევრი, გურამ მაჭარაშვილი ფიქრობს, რომ საკანონმდებლო ორგანო პრეზიდენტის ვეტოს დაძლევას შეძლებს. მისი განცხადებით, პრეზიდენტმა ოფიციალურ დოკუმენტში ვეტოს სამართლებრივი საფუძვლები არ განმარტა.
„პრეზიდენტმა თავად განმარტა, რომ სამართლებრივი შენიშვნები არ აქვს და ეს პოლიტიკური ჟესტია. რომ წავიკითხეთ [ვეტოს განმარტების ტექსტი], იქ ნამდვილად არ არის სამართლებრივი შენიშვნები. უბრალოდ, წერია, რომ ეს კანონპროექტი მიღებული არ უნდა იყოს, რადგან დღეს ასეთი პოლიტიკური პროცესია. რა თქმა უნდა, ბუნებრივია, რეგლამენტის შესაბამისად, ჩვენ ამ ე.წ. სამართლებრივ შენიშვნებთან დაკავშირებით ვიმსჯელებთ და, დიდი ალბათობით, ეს ვეტო დაიძლევა, რადგან თუ სამართლებრივი შენიშვნები არ არის, მათზე ვერც ვიმსჯელებთ“, - განაცხადა გურამ მაჭარაშვილმა.
სარეკლამო ადგილი - 11 650 x 60 |