ისრაელში საქართველოს საელჩო ქვეყანაში მცხოვრები საქართველოს მოქალაქეების საყურადღებოდ განცხადებას ავრცელებს
სარეკლამო ადგილი - 10
650 x 60
34 06 აგვისტო 2022, 00:23

ისრაელში საქართველოს საელჩო ქვეყანაში მცხოვრები საქართველოს მოქალაქეების საყურადღებოდ განცხადებას ავრცელებს.

„6 აგვისტოს, შაბათს, 20:00 საათამდე იმოქმედებს შემდეგი შეზღუდვები (ვადის გაგრძელების შემთხვევაში, დამატებით გაცნობებთ):

ღაზას სექტორთან 80კმ-ის რადიუსში მცხოვრებთათვის:

ნებადართულია ღონისძიებები და შეკრებები არა უმეტეს 10 ადამიანისა ღია სივრცეში და არა უმეტეს 50 ადამიანისა – დახურულ სივრცეში.

სასწავლო პროცესი საგანმანათლებლო დაწესებულებებში, საბავშვო ბაღებში და საზაფხულო ბანაკებში არ განხორციელდება.

სამუშაო ადგილებზე ყოფნა მხოლოდ იმ დაწესებულებებშია ნებადართული, სადაც თავშესაფრებია.

უსაფრთხოების იგივე ნორმები მოქმედებს ცენტრალურ და დასავლეთ ნეგევის მიმდებარედ მცხოვრებთათვის. განსხვავდება მხოლოდ დახურულ სივრცეში შეკრების პირობა: ნებადართულია 100 ადამიანი.

შეცვლილია აფრენის და დაფრენის გრაფიკი ბენ-გურიონის საერთაშორისო აეროპორტში.

საჯარო თავშესაფრები გახსნილია ისრაელის სამხრეთით მდებარე ქალაქებში – აშდოდი, შდეროთი, ბერშევა და ასევე, რამდენიმე ცენტრალურ ქალაქში.

გთხოვთ, გაითვალისწინოთ და დაიცვათ აღნიშნული უსაფრთხოების ნორმები“, – აღნიშნულია საქართველოს საელჩოს მიერ გავრცელებულ გაფრთხილებაში.

ადგილობრივი მედიის ინფორმაციით, ისრაელის არმიამ სამხედრო ოპერაციისას ღაზის სექტორში რადიკალური დაჯგუფება „ისლამური ჯიჰადის“ ლიდერი მოკლა. რადიკალურმა მოძრაობა „ისლამურმა ჯიჰადმა“ კი, ღაზის სექტორიდან ისრაელის მიმართულებით 100-მდე რაკეტა გაუშვა. ისრაელის არმიამ ღაზის სექტორში პალესტინის „ისლამური ჯიჰადის“ ობიექტებზე ფართომასშტაბიანი საჰაერო დარტყმები დაიწყო.

სარეკლამო ადგილი - 11
650 x 60
აშშ-ის გენერალურმა პროკურორმა განაცხადა, რომ პირადად დაამტკიცა პრეზიდენტ დონალდ ტრამპის სახლში ჩხრეკის ჩატარების ორდერი
დმიტრო კულება - ეს რუსეთის ომია და არა მხოლოდ პუტინის. არა პუტინი, არამედ რუსი ჯარისკაცები მოდიან რუსეთიდან, რათა მოკლან, აწამონ და გაანადგურონ. რუსების დიდი უმრავლესობა მხარს უჭერს ომს
სამგორის მუნიციპალიტეტის გამგეობა საცხოვრებელი კორპუსიდან მოსახლეობის ევაკუაციის საკითხზე განცხადებას ავრცელებს
ჯული სტაფტი: რუს მოგზაურებზე არანაირი შეზღუდვა არ არსებობს - მათ შეუძლიათ, ნამდვილად წავიდნენ მსოფლიოს ნებისმიერ საელჩოში, სადაც განაცხადის შეტანას შეძლებენ
ვარკეთილში მდებარე ავარიული კორპუსიდან მოქალაქეების ევაკუაცია განხორციელდა
არქივი