208
23 სექტემბერი 2022, 00:28
დღეს სამწუხაროდ გვაქვს მოცემულობა, რომ მთელი დღის განმავლობაში, საცობების გამო, კონკრეტულ მონაკვეთებზე შეუძლებელი ხდება მანქანით გადაადგილება. საზოგადოებასთან ყოველთვის გულახდილი ვარ და პირდაპირ ვამბობ, რომ ეს გამოწვეულია იმ ორი მნიშვნელოვანი სარეაბილიტაციო სამუშაოს გამო, რომელიც მიმდინარეობს მელიქიშვილს გამზირზე და ქეთევან დედოფლის გამზირზე, - ამის შესახებ დედაქალაქის მერმა კახა კალაძემ „იმედი LIVE“-ში ისაუბრა.
„ეს არის ორი უმნიშვნელოვანესი კვანძი თბილისში, სადაც მიმდინარეობს ფუნდამენტური სამუშაოების განხორციელება, საშვილიშვილო საქმე კეთდება, თავისი მიწისქვეშა კომუნიკაციებით, საგზაო ინფრასტრუქტურით მოწესრიგებით, გამწვანებით, განათებებით, მიწისქვეშა ურნების განთავსებით, ყველაფერი რაც კი შესაძლებელია კეთდება. მინდა მივმართო საზოგადოებას, ვიცი ბევრი ადამიანი გულშემატკივრობს თბილისს, ბევრი ადამიანი გულშემატკივრობს მე, ბევრ ადამიანს სჯერა ჩემი, იცის რას ვაკეთებ და რა მინდა ჩემი ქალაქისთვის. სხვას შეიძლება ხელიც არ მოეკიდებინა ამ საქმისთვის, რომელიც საბოლოოდ უკეთესებისკენ ცვლის მდგომარეობას. მეგობრებო, ჩვენ დავიწყეთ ძალიან მნიშვნელოვანი პროექტის განხორციელება“, - განაცხადა კახა კალაძემ.
| სარეკლამო ადგილი - 11 650 x 60 |
