პეტერ ფიშერი - გერმანია ძალიან მჭიდროდ იმუშავებს საქართველოსთან ევროინტეგრაციის საკითხში
სარეკლამო ადგილი - 10
650 x 60
57 03 ოქტომბერი 2022, 20:56

გერმანია ძალიან მჭიდროდ იმუშავებს საქართველოსთან ევროინტეგრაციის საკითხში, – ამის შესახებ საქართველოში გერმანიის ელჩმა, პეტერ ფიშერმა გერმანიის გაერთიანების დღესთან დაკავშირებულ ღონისძიებაზე განაცხადა.

„დღეს გერმანიის გაერთიანების დღეს აღვნიშნავთ და ძალიან მოხარული ვარ, რომ ამდენი ქართველი მეგობარი შეიკრიბა აქ. გერმანია იმუშავებს ძალიან მჭიდროდ საქართველოსთან ევროინტეგრაციის საკითხში. ის, რისი გაკეთებაც გვჭირდება, არის ბევრი კონკრეტული პროექტი პოლიტიკაში, ასევე ეკონომიკაში, გარემოს დაცვის, კულტურის სფეროებში და რაც ძალიან მნიშვნელოვანია, ახალგაზრდების ჩართულობასთან დაკავშირებული პროექტები. ეს არის გზა ევროპისკენ“, – განაცხადა პეტერ ფიშერმა.

რაც შეეხება ევროკომისიის 12 რეკომენდაციის შესრულებასთან დაკავშირებულ კითხვას, გერმანიის ელჩმა განაცხადა, რომ ჯერ ზედმეტად ადრეა პროგრესის შეფასება.

„მთავრობასა და პარლამენტს აქვთ ძალიან ამბიციური საკანონმდებლო დღის წესრიგი, თუმცა ჩვენ უნდა ვნახოთ შედეგი. პროცესი უნდა იყოს ინკლუზიური, დემოკრატიული და პლურალისტური, თუმცა რაც მთავარია, შედეგი უნდა იყოს ევროკავშირის სტანდარტებთან შესაბამისი“, – აღნიშნა პეტერ ფიშერმა.

გერმანიის დამოუკიდებლობის დღესთან დაკავშირებით, საქართველოში გერმანიის საელჩოს ორგანიზებით დღეს მიღება გაიმართა, რომელსაც საქართველოს მთავრობის წევრები, პოლიტიკოსები და საზოგადოების წარმომადგენლები ესწრებოდნენ.

სარეკლამო ადგილი - 11
650 x 60
გაუგებარია, რა შუაშია ზურაბ ჭიაბერაშვილი თავმჯდომარის არჩევნებთან. მან პარტია დატოვა ექვსი წლის წინ, საკმაოდ ხმაურიანი განცხადებით და მაშინ ძალიან დიდი როლი შეასრულა „ნაციონალური მოძრაობის“ დასუსტებაში
ირაკლი ღარიბაშვილი აზერბაიჯანის რესპუბლიკის ეკოლოგიისა და ბუნებრივი რესურსების მინისტრს მუხტარ ბაბაიევს შეხვდა
ვენეციის კომისიაში დეოლიგარქიზაციის კანონპროექტის გაგზავნა-არგაგზავნაზე კატეგორიული პოზიცია არ არსებობს, ჯერ უნდა გავარკვიოთ, რა ხდება უკრაინულ მოდელზე
ამ ქვეყანაში საპატრიარქო არის ერთ-ერთი ყველაზე დიდი ბოროტება
ცხრამუხის მონასტერში.მომხდარ დანაშაულებში ბრალდებულებს აღკვეთ ღონისძიებას დღეს შეუფარდებენ
არქივი