ნებისმიერი პარტნიორობისთვის და მით უმეტეს, საქართველოსთვის ძირის გამოთხრა არის ის, როცა ვიღაც ცდილობს საქართველოს ომში ჩართვას და ამაზე როცა ჩვენ ვამბობთ, რომ ეს, ასე იყო, გვაქვს ძალიან კონკრეტული ფაქტები. იმაზე მეტს, რაც უკვე ნათქვამი გვაქვს, აღარ ვიტყვით, - ამის შესახებ მოძრაობა „ხალხის ძალის“ წევრმა სოზარ სუბარმა „იმედი LIVE“-ში განაცხადა, რითაც გამოეხმაურა აშშ-ის ელჩის, კელი დეგნანანს, რომელმაც თქვა, რომ „ხალხის ძალის“ წევრები აშშ-სა და საქართველოს პარტნიორობისთვის ძირის გამოთხრას ცდილობენ.
„არ უნდა წყვეტდეს რომელიმე კონკრეტული ქვეყნის ელჩი, რა კანონს და როგორ კანონს მიიღებს საქართველო. როდესაც ლაპარაკია იგივე უკრაინის კანონზე - დეოლიგარქიზაციაზე, რომელიც არის მსოფლიოში ერთადერთი კანონი, რომელმაც ძალიან მაღალი მოწონება დაიმსახურა ევროკავშირისგან, ევროკავშირის ექსპერტებისგან, ევროკავშირის ხელმძღვანელებისგან. ბრიტანეთის ელჩი, აშშ-ის ელჩი უკრაინაში მიესალმნენ და თქვეს, რომ ეს არის კარგი კანონი. კეთილი უნდა ინებოს ქალბატონმა კელი დეგნანმა და განუმარტოს ქართულ საზოგადოებას, რა არ მოსწონს. ეს არის ის უხეში ჩარევა ქვეყნის სუვერენიტეტში, რომელიც დაუშვებელია დამოუკიდებელი ქვეყნისთვის“, - აცხადებს სუბარი.
სარეკლამო ადგილი - 11 650 x 60 |