უკრაინელმა მაღალჩინოსნებმა პირდაპირ თქვეს: „საქართველოს ეს მთავრობა ომისთვის მზად არ არის და სააკაშვილი რომ ყოფილიყო ხელისუფლებაში, ომი იქნებოდა“, ამაზე მეტი მტკიცებულება რა გინდათ? ახლა რომ დახტიხართ და პერფორმანსებს დგამთ
სარეკლამო ადგილი - 10
650 x 60
156 18 ნოემბერი 2022, 13:59

შეეშვით ამ სიყალბეს და ქვეყნის მტრობას და დაასრულეთ საბოტაჟი! - ასე მიმართა საქართველოს პრემიერ-მინისტრმა ირაკლი ღარიბაშვილმა პარლამენტის პლენარულ სხდომაზე ოპოზიციონერ დეპუტატებს, რომლებიც საქართველოში ომის მეორე ფრონტის გახსნის მცდელობაში დაადანაშაულა.

როგორც ღარიბაშვილმა აღნიშნა, ოპოზიციის წარმომადგენლები რომ რუსეთ-უკრაინის ომის პირობებში ხელისუფლებაში ყოფილიყვნენ, „ქვეყანა პოლიგონად იქცეოდა“ და „საქართველოს რუსეთს ჩააბარებდნენ“.

„ასეთი მასშტაბის ომი ევროპის კონტინენტზე მეორე მსოფლიო ომის შემდეგ არ ყოფილა. ჩვენ არ ვართ არც ნატო-ს წევრი ქვეყანა, არც ევროპის კავშირის წევრი ქვეყანა, ვართ ოკუპირებული და რუსული ჯარი გვიდგას აქ. არ მოეწონათ ჩემი განცხადება და მთხოვდნენ, რომ მიგვეღო ჩარტერული თვითმფრინავები და აქედან გაეგზავნათ მოხალისეები საბრძოლველად. ამაზე ნებართვა უნდა გაეცა სახელმწიფოს. ეს იყო პირდაპირ ომში ჩართვის მცდელობა და გათვლილი იყო იმაზე, რომ რუსეთს შესაბამისი რეაქცია ექნებოდა და გაიხსნებოდა მეორე ფრონტი, როგორც ეს მათ უკრაინელ პარტნიორებთან ერთად დააანონსეს. მათ ღიად თქვეს, რომ საქართველოში მეორე ფრონტის გახსნა გვინდოდაო. ყოველგვარ სპეკულაციებს და პროგნოზებს დავანებოთ თავი, ეს ადამიანები რომ დღეს ხელისუფლებაში ყოფილიყვნენ, ანუ უკრაინელი ხელისუფლების პარტნიორები და მოკავშირეები, რომლებსაც სურდათ მეორე ფრონტის გახსნა საქართველოში, კითხვა მინდა დავუსვა ნებისმიერ ჩვენს მოქალაქეს - ვინმეს ეჭვი გეპარებათ, რომ აქ მართლაც არ იქნებოდა მეორე ფრონტი? პოლიგონად გადააქცევდნენ ჩვენს ქვეყანას. ხელისუფლებაში არ არიან და ყველაფერს აკეთებენ იმისთვის, რომ აქ მეორე ფრონტი გახსნილიყო, ესენი რომ ყოფილიყვნენ ხელისუფლებაში, დაანგრევდნენ ქვეყანას, დაანგრევდნენ ქვეყანას საბოლოოდ, ჩააბარებდნენ რუსეთს და ქვეყანა დაკარგავდა სუვერენიტეტს. ამას აკეთებდნენ აქციების გამართვით, დემონსტრაციებით, მთავრობის გადადგომის მოთხოვნით... მათი ამოცანა იყო ასევე რევოლუციების მოწყობა.

პირდაპირ უნდა ითქვას, მათი გათვლა იყო, რომ მოხდებოდა საზოგადოების მღელვარება და რევოლუცია. ესეც ჩაუვარდათ! მიზანი მარტო ხელისუფლებაში მოსვლა კი არ არის, არამედ ის, რომ უკრაინელ პარტნიორებს დავალებები შეუსრულონ. პირდაპირ თქვეს უკრაინელმა მაღალჩინოსნებმა - „ეს მთავრობა არ არის ომისთვის მზად, არ არის ომის მთავრობა და რომ ყოფილიყო სააკაშვილი ხელისუფლებაში, იქნებოდა ომი“. ამაზე მეტი მტკიცებულება რა გინდათ? ახლა რომ დახტიხართ და რაღაც გარკვეულ პერფორმანსებს დგამთ, ეს რას ნიშნავს? რა ფარისევლობაა და რა სიყალბეა? თუ გინდათ კანდიდატის სტატუსის მიღება, კეთილი ინებეთ და იმუშავეთ ჩვენ ძვირფას კოლეგებთან ერთად! თუ არა, შეეშვით ამ სიყალბეს და ქვეყნის მტრობას და დაასრულეთ საბოტაჟი!“- მიმართა ღარიბაშვილმა ოპოზიციის წარმომადგენლებს.

სარეკლამო ადგილი - 11
650 x 60
გია აბაშიძე: სალომე ზურაბიშვილი შეხვდა ცესკოს, არასამთავრობოების, ევროკავშირის საელჩოს წარმომადგენლებს და თვალთმაქცურად "მოითხოვა" უცხოეთში დამატებითი საარჩევნო უბნების გახსნა - "ნაცების" დღის წესრიგის მიხედვით ცდილობს, სახელმწიფო ინსტიტუტებს ჩრდილი მიაყენოს
ირაკლი კობახიძე - ბატონ ბიძინა ივანიშვილთან რეგულარული კომუნიკაცია მაქვს, არსებითად ეს არის სატელეფონო საუბარი - ის, როგორც საპატიო თავმჯდომარე, როგორც პარტიის მთავარი პოლიტიკური მრჩეველი, პოლიტიკურ პროცესებში ჩართულია
სალომე ზურაბიშვილის განცხადებით, პარტნიორი ქვეყნების ელჩებმა გამოხატეს მზაობა იმისთვის, რომ საზღვარგარეთ დამატებით საარჩევნო უბნების გახსნა გაადვილდეს
საგანგებო სიტუაციების კოორდინაციისა და გადაუდებელი დახმარების ცენტრი ჰოსპიტალიზაციის ცვლის უფროსის ყოფილი მოადგილისა და ამავე ცენტრის ჰოსპიტალიზაციის ორი ყოფილი მენეჯერის დაკავებასთან დაკავშირებით განცხადებას ავრცელებს
"კარლსრუეს“ ფეხბურთელებმა საქართველოს ნაკრებიდან დაბრუნებულ ბუდუ ზივზივაძეს ემოციური დახვედრა მოუწყვეს
არქივი