ეს არის პოლიტიკური დევნა, პოლიტიკური საქმე ჩემსა და ბადრის წინააღმდეგ - ჩვენ ბრძოლას ვაგრძელებთ, ამ აბსურდის თეატრს დავამთავრებთ
სარეკლამო ადგილი - 10
650 x 60
24 25 ნოემბერი 2022, 14:17

„ლელოს“ ლიდერი მამუკა ხაზარაძე ე.წ. ფულის გათეთრების საქმეზე მასსა და ბადრი ჯაფარიძის წინააღმდეგ მიმდინარე სისხლის სამართლებრივ დავას „აბსურდის თეატრს“ უწოდებს, რომელზეც მისივე თქმით, არანაირი მომჩივანი და დაზარალებული არ არსებობს და არც დანაშაული იკვეთება. აღნიშნულის შესახებ ხაზარაძემ ჟურნალისტებს სააპელაციო სასამართლოში დღევანდელი პროცესის დასრულების შემდეგ განუცხადა.

„კიდევ ერთხელ მინდა, ხმამაღლა და ძალიან მკაფიოდ დავაფიქსირო, რომ ეს არის პოლიტიკური დევნა, პოლიტიკური საქმე ჩემსა და ბადრის წინააღმდეგ. პირველივე დღიდან ნათელი იყო, რომ არ არსებობს არანაირი დანაშაული, დაზარალებული და მომჩივანი. ჩვენ ბრძოლას ვაგრძელებთ, ამ აბსურდის თეატრს დავამთავრებთ და დავამთავრებთ ბიძინა ივანიშვილის სასამართლო სისტემის სრული კრახით და ამის ლუსტრაციას გავაკეთებთ. ასე რომ, ძალიან წყნარად მივყვებით ამ პროცესს. დიდი მადლობა მედიას, რომელიც სულ აშუქებდა ამ პროცესს. თქვენთან ერთად ვნახავთ იმ შედეგს, რომ ეს საქმე შეიძლება გახდეს საეტაპო საქმე, რომლითაც კიდევ ერთხელ დადასტურდება, როგორი „კლანი“ და სასამართლო გვაქვს ქვეყანაში. ამას ჩვენ აუცილებლად შევცვლით და ქვეყანაში მართლა შეიქმნება ნამდვილი სამართლიანი სასამართლო“, - განაცხადა მამუკა ხაზარაძემ.

შეგახსენებთ, რომ ე.წ. ფულის გათეთრების საქმეზე ბრალდებულები - მამუკა ხაზარაძე, ბადრი ჯაფარიძე და ავთანდილ წერეთელი თბილისის საქალაქო სასამართლომ დამნაშავედ ცნო. თუმცა, მოსამართლემ სამივე მათგანს მუხლის კვალიფიკაცია შეუცვალა და ისინი ჯგუფურ თაღლითობაში ცნო დამნაშავედ და თითოეულ მათგანს თავისუფლების აღკვეთა შეეფარდათ 7 წლის ვადით, მაგრამ მუხლის ხანდაზმულობის გამო, ისინი დანიშნული სასჯელისგან გათავისუფლდნენ.

ცნობისთვის, მამუკა ხაზარაძეს და ბადრი ჯაფარიძეს ბრალი წარედგინათ 2019 წლის 24 ივლისს ჯგუფურად 16 664 000 ამერიკული დოლარის უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის „ა“ და მე-3 ნაწილის „გ“ ქვეპუნქტით).

რაც შეხება ავთანდილ წერეთელს, პროკურატურა ბიზნესმენს ბადრი ჯაფარიძისთვის და მამუკა ხაზარაძისთვის უკანონო შემოსავლების ლეგალიზებაში დახმარებას ედავებოდა.

სარეკლამო ადგილი - 11
650 x 60
საავტომობილო გზების დეპარტამენტი - საგზაო უსაფრთხოების გაუმჯობესების ღონისძიებები მიმდინარეობს
სპეციალურმა საგამოძიებო სამსახურმა ოთხი სამართალდამცველი პასუხისგებაში მისცა
იტალიის სამხრეთში მდებარე კუნძულ ისჩიაზე მეწყრის შედეგად შვიდი ადამიანი დაიღუპა, მათ შორის ერთი ახალშობილია
ევროპარლამენტს ჩვენს მიმართ ნაკლები სიყვარული აქვს, ამის სანაცვლოდ, ჩვენ ნაკლები სურვილი გვაქვს, გავითვალისწინოთ ის, რაც იქ ხდება და გულთან ახლოს მივიტანოთ
საპატრიარქო - სამწუხაროა, რომ მასმედიით მოხდა მონაზვნის იდენტიფიცირება, მისი სურათის გამოქვეყნება და ამ დანაშაულზე უხეში ფორმით საუბარი, ადგილი ჰქონდა ცინიზმსაც... რაც, თავის მხრივ, ამორალურობისა და დაუნდობლობის მაგალითია
არქივი