ევროპარლამენტმა დაამტკიცა საგარეო და უსაფრთხოების ერთიანი პოლიტიკის იმპლემენტაციის ყოველწლიური ანგარიში - 37-გვერდიან დოკუმენტში საქართველო არაერთხელ არის ნახსენები
სარეკლამო ადგილი - 10
650 x 60
160 19 იანვარი 2023, 10:06

ევროპარლამენტმა დაამტკიცა საგარეო და უსაფრთხოების ერთიანი პოლიტიკის იმპლემენტაციის ყოველწლიური ანგარიში. 37-გვერდიან დოკუმენტში საქართველო არაერთხელ არის ნახსენები.

როგორც დოკუმენტშია აღნიშნული, საქართველო იყო პირველი ქვეყანა, რომელმაც განიცადა რუსული სრულმასშტაბიანი სამხედრო აგრესია 2008 წლის აგვისტოში. დოკუმენტში აღნიშნულია, რომ მოუწოდებს ევროკავშირს განაგრძოს მოთხოვნა, რუსეთმა შეასრულოს ევროკავშირის შუამავლობით 2008 წლის 12 აგვისტოს ცეცხლის შეწყვეტის შესახებ შეთანხმებით ნაკისრი ვალდებულებები.

„ვინაიდან ევროპული სახელმწიფოების ნებაყოფლობითი გაწევრიანება ევროკავშირში რჩება კავშირის ყველაზე წარმატებულ საგარეო პოლიტიკურ ინსტრუმენტად; ვინაიდან 2022 წლის 23 ივნისს ევროპელმა ლიდერებმა უკრაინასა და მოლდოვას რესპუბლიკას მიანიჭეს ევროკავშირის წევრობის კანდიდატის სტატუსი და აღიარა საქართველოს ევროპული პერსპექტივა; ვინაიდან 2022 წლის 15 დეკემბერს ევროპულმა საბჭომ მიანიჭა ბოსნია და ჰერცეგოვინას ევროკავშირის წევრობის კანდიდატის სტატუსი და კოსოვოს რესპუბლიკამ წარადგინა განაცხადი ევროკავშირში წევრობისთვის. ხაზს უსვამს, რომ რუსეთი ასევე ახორციელებს აგრესიულ პოლიტიკას საქართველოსა და მოლდოვას მიმართ; აღიარებს, რომ საქართველო იყო პირველი ქვეყანა, რომელმაც განიცადა რუსული სრულმასშტაბიანი სამხედრო აგრესია 2008 წლის აგვისტოში, როდესაც რუსეთმა ევროპის სუვერენული სახელმწიფოს საზღვრების ძალადობრივი შეცვლა სცადა, რათა დაეკავებინა საქართველოს განუყოფელი ნაწილი – აფხაზეთი და ცხინვალის რეგიონი/სამხრეთ ოსეთი – და გადაედგა ნაბიჯები მათი დე ფაქტო ანექსიისკენ, რათა ასობით ათასი ადამიანის განდევნა საკუთარი სახლებიდან ეთნიკური წმენდის შედეგად და დაეყო საზოგადოებები საოკუპაციო ხაზებით; მოუწოდებს ევროკავშირს განაგრძოს მოთხოვნა, რომ რუსეთმა შეასრულოს ევროკავშირის შუამავლობით 2008 წლის 12 აგვისტოს ცეცხლის შეწყვეტის შესახებ შეთანხმებით ნაკისრი ვალდებულებები; მოუწოდებს ევროკავშირს აღმოსავლეთ პარტნიორობის რეგიონში გააძლიეროს კონფლიქტების მშვიდობიანი მოგვარების პროცესში ჩართულობა. მხარს უჭერს ევროპული საბჭოს პრეზიდენტის, შარლ მიშელის ინიციატივას სომხეთისა და აზერბაიჯანის ლიდერების ბრიუსელში ორმხრივი შეხვედრების მოწვევასა და შუამავლობასთან დაკავშირებით და მხარს უჭერს ევროკავშირის სპეციალური წარმომადგენლის მუშაობას ადგილზე სამხრეთ კავკასიასა და საქართველოში კრიზისში; თვლის, რომ ევროკავშირს შეუძლია პატიოსანი შუამავლის როლი შეასრულოს შემდგომი ესკალაციის თავიდან ასაცილებლად და მდგრადი მშვიდობის მისაღწევად“, – ნათქვამია დოკუმენტში.

ასევე, დოკუმენტში ნათქვამია, რომ მიესალმება კანდიდატის სტატუსის მინიჭებას უკრაინის, მოლდოვისა და ბოსნია-ჰერცეგოვინასთვის და მოუწოდებს საქართველოსთვის მის მინიჭებას კომისიის დასკვნაში მითითებული პრიორიტეტების დაცვის შემთხვევაში.

„მიესალმება იმ ფაქტს, რომ რუსეთის არაპროვოცირებულმა შეჭრამ უკრაინაში აიძულა ევროკავშირი, შეეცვალა თავისი გაფართოების პოლიტიკა; ხაზს უსვამს, რომ მიუხედავად იმისა, რომ კავშირის გაფართოება და გაღრმავება გვერდიგვერდ უნდა მიმდინარეობდეს, ევროკავშირის შიდა რეფორმების აუცილებლობა არ უნდა გახდეს საბაბი დამსახურებაზე დაფუძნებული გაწევრიანების პროცესის შენელებისთვის; მიესალმება კანდიდატის სტატუსის მინიჭებას უკრაინას, მოლდოვასა და ბოსნია-ჰერცეგოვინასთვის და მოუწოდებს საქართველოსთვის მის მინიჭებას, კომისიის დასკვნაში მითითებული პრიორიტეტების დაცვის შემთხვევაში; მოუწოდებს საბჭოს და კომისიას, რაც შეიძლება მალე დაიწყონ გაწევრიანების მოლაპარაკებები ახალ კანდიდატ ქვეყნებთან კომისიის მიერ განსაზღვრული კონკრეტული პირობების შესრულების შემდეგ; მიესალმება კოსოვოს რესპუბლიკის განაცხადს ევროკავშირში გაწევრიანებაზე; ხაზს უსვამს, რომ მიუხედავად იმისა, რომ გაფართოება არის კავშირის ყველაზე ეფექტური საგარეო პოლიტიკური ინსტრუმენტი, აფართოებს არეალს, სადაც ევროპული ღირებულებებსა და პრინციპებს მნიშვნელოვანი გავლენა აქვთ, მისი განხორციელება ხელახლა უნდა შეფასდეს, რათა შესაძლებელი გახდეს დაჩქარებული ინტეგრაცია გაწევრიანების მსურველი ქვეყნების, რომლებიც ავლენენ სტრატეგიულ ორიენტაციას ევროკავშირის მიმართ და ურყევ ვალდებულებას ევროკავშირთან დაკავშირებული რეფორმების, დემოკრატიული კონსოლიდაციისა და საგარეო პოლიტიკასთან შესაბამისობის მიმართ, მათ შორის, კავშირის კონკრეტულ პოლიტიკასა და ინიციატივებში ეტაპობრივი ჩართვის საშუალებით; ხაზს უსვამს, რომ დაუსჯელობა, რომელიც მოჰყვა 2008 წლის საქართველოში შემოჭრას, არის ერთ-ერთი ფაქტორი, რომელმაც დაუშვა რუსეთის აგრესიული ომი უკრაინის წინააღმდეგ; თვლის, რომ უკრაინის გამარჯვება არა მხოლოდ თავისუფლებას მოუტანს უკრაინის ოკუპირებულ რეგიონებს, მათ შორის დონბასსა და ყირიმს, არამედ ბელარუსს და გადამწყვეტი იქნება საქართველოსა და მოლდოვას ტერიტორიული მთლიანობის აღდგენისთვის“, – ნათქვამია დოკუმენტში.

ამასთან, დოკუმენტი შეიცავს მოწოდებას ვროკავშირის საგარეო ქმედებათა სამსახურის, EEAS-ს მიმართ, მოამზადოს საფუძვლიანი ანგარიში 2008 წლის ცეცხლის შეწყვეტის შეთანხმების დარღვევის შესახებ იმის გათვალისწინებით, რომ ევროკავშირს ეკისრება განსაკუთრებული პასუხისმგებლობა, როგორც შუამავალს 2008 წლის 12 აგვისტოს ცეცხლის შეწყვეტის შესახებ შეთანხმებაში.

„მოუწოდებს ევროკავშირის საგარეო ქმედებათა სამსახურს, EEAS-ს, მოამზადოს საფუძვლიანი ანგარიში 2008 წლის ცეცხლის შეწყვეტის შეთანხმების დარღვევის შესახებ იმის გათვალისწინებით, რომ ევროკავშირს ეკისრება განსაკუთრებული პასუხისმგებლობა, როგორც შუამავალს 2008 წლის 12 აგვისტოს ცეცხლის შეწყვეტის შესახებ შეთანხმებაში; მოუწოდებს EEAS-ს, გამოავლინოს და აცნობოს დებულებების შესახებ, რომლებიც ჯერ კიდევ არ არის შესრულებული რუსეთის ფედერაციის მიერ და წარადგინოს რეკომენდაციები, რომლებმაც შეიძლება, აიძულოს რუსეთის ფედერაცია შეასრულოს ისინი, კერძოდ, მისი სამხედრო ძალების გაყვანა საქართველოს ოკუპირებული ტერიტორიებიდან და დაუშვას ქვეყანაში არსებული საერთაშორისო უსაფრთხოების მექანიზმები და ევროკავშირისთვის საქართველოს მთელ ტერიტორიაზე შეუფერხებელი წვდომის უფლება მისი მანდატის შესაბამისად“, – ნათქვამია დოკუმენტში.

ევროპარლამენტის მიერ დამტკიცებულ დოკუმენტში ნათქვამია, რომ მოლდოვასა და საქართველოს, ისევე როგორც დასავლეთ ბალკანელების მომავალი ევროკავშირშია.

„კიდევ ერთხელ ადასტურებს, რომ უკრაინის, მოლდოვასა და საქართველოს, ისევე როგორც დასავლეთ ბალკანელების მომავალი ევროკავშირის ფარგლებშია; კიდევ ერთხელ ადასტურებს თავის ერთგულებას გაფართოებისადმი, რომელსაც ალტერნატივა არ აქვს და რომელიც ახლა, ვიდრე ოდესმე არის გეოსტრატეგიული ინვესტიცია სტაბილურობაში, ძლიერი და ერთიანი ევროკავშირი; მტკიცედ სწამს, რომ ევროკავშირში სრულფასოვანი წევრობის პერსპექტივა იმ ქვეყნებისთვის, რომლებიც ცდილობენ გახდნენ ევროკავშირის წევრი ქვეყნები, არის კავშირის საკუთარი პოლიტიკური, ეკონომიკური და უსაფრთხოების ინტერესებში; მოუწოდებს საქართველოს, ხელშესახებად შეასრულოს კომისიის მიერ შედგენილი და ევროპული საბჭოს მიერ 2022 წლის 23 და 24 ივნისის დასკვნებში დამტკიცებული პრიორიტეტები; მიესალმება კომისიის მიერ გამოცხადებულ ზომებს უკრაინის გასაძლიერებლად, როგორიცაა ჩვენს შიდა ბაზარზე წვდომა და როუმინგის საფასურის მოხსნა; იმედოვნებს, რომ იგივე ზომები გავრცელდება მოლდოვის რესპუბლიკასა და საქართველოს მიმართ, რომელსაც თანაბრად სჭირდება ევროკავშირის მხრიდან მხარდაჭერის ძლიერი სიგნალები და ევროკავშირში ინტეგრაციისკენ მიმართული კონკრეტული ნაბიჯების გადადგმა, იმ ძლიერი დესტაბილიზაციური ძალების გათვალისწინებით, რომლებიც ემუქრებიან მათ დემოკრატიებს; კიდევ ერთხელ აცხადებს ევროკავშირის ერთგულებას უკრაინის, მოლდოვას რესპუბლიკისა და საქართველოს სუვერენიტეტის, ტერიტორიული მთლიანობისა და პოლიტიკური დამოუკიდებლობისადმი მათ საერთაშორისოდ აღიარებულ საზღვრებში და მხარს უჭერს მათ ძალისხმევას ამ პრინციპების სრულად განსახორციელებლად; ხაზს უსვამს წევრი სახელმწიფოების ერთიანობისა და სოლიდარობის მნიშვნელობას ამ კუთხით“, – ნათქვამია დოკუმენტში.

ევროპარლამენტის დოკუმენტში ასევე ნათქვამია, რომ „უმკაცრესად გმობენ რუსეთის აგრესიულ ომს უკრაინის წინააღმდეგ, ისევე როგორც ლუკაშენკოს რეჟიმის დამხმარე როლს ბელარუსში.

„უმკაცრესად გმობს რუსეთის აგრესიულ ომს უკრაინის წინააღმდეგ, ისევე როგორც ლუკაშენკოს რეჟიმის დამხმარე როლს ბელარუსში; მოუწოდებს რუსეთის ხელმძღვანელობას, დაუყოვნებლივ შეწყვიტოს ეს და უპირობოდ გავიდეს საერთაშორისოდ აღიარებული მთელი უკრაინის ტერიტორიიდან და ნებისმიერი სხვა ქვეყნის ტერიტორიიდან, კერძოდ საქართველოდან და მოლდოვის რესპუბლიკიდან, რომლის ტერიტორია ან მისი ნაწილები უკანონოდ არის ოკუპირებული; მოუწოდებს რუსეთს, უზრუნველყოს მარცვლეულისა და სხვა ნედლეულის თავისუფალი ნაკადი მთელს მსოფლიოში; მოუწოდებს საბჭოს, ცნოს რუსეთი ტერორიზმის სპონსორ სახელმწიფოდ და სახელმწიფოდ, რომელიც იყენებს ტერორიზმის საშუალებებს; მოუწოდებს საერთაშორისო საზოგადოებას მხარი დაუჭიროს ყველა ლეგიტიმურ საერთაშორისო და ეროვნულ პროცესს, მათ შორის უნივერსალური იურისდიქციის პრინციპის შესაბამისად, რათა გამოძიებულ იქნას კაცობრიობის წინააღმდეგ ჩადენილი დანაშაულები და ომის დანაშაულები, რათა სასამართლოს წინაშე პასუხი აგოს ყველა იმ პირმა, ვინც პასუხისმგებელია უამრავ სამხედრო დანაშაულზე და ადამიანის უფლებების დარღვევაზე, მათ შორის უკრაინელების მასობრივ გაუპატიურებაზე და იძულებით დეპორტაციაზე; კიდევ ერთხელ ადასტურებს, რომ რუსეთს მოუწევს აანაზღაუროს ყველა ის ზიანი და ნგრევა, რომელიც მან მიაყენა უკრაინას; აღნიშნავს, რომ რუსეთის ბევრი მოქალაქე ტოვებს რუსეთს გაწვევის თავიდან აცილების მიზნით; მოუწოდებს, რომ ყველა, ვინც ნებაყოფლობით დაეხმარა რუსეთს ამ ომში ან არალეგიტიმური რეფერენდუმების ორგანიზებაში პასუხისგებაში მიეცნენ და ინდივიდუალურად დასანქცირდნენ“, – ნათქვამია დოკუმენტში.

სარეკლამო ადგილი - 11
650 x 60
მაკა ბოჭორიშვილი: ახლა უკვე, როდესაც საქართველო კანდიდატი ქვეყანაა, გარდაუვალია ევროკავშირში ინტეგრაცია, ეს არის ჩვენი მომავალი
მაკა ბოჭორიშვილი: როცა საერთაშორისო ფორმატს მარტო სააკაშვილის წერილის წასაკითხად იყენებ და ამბობ, რომ ევროინტეგრაციის ყველაზე დიდი გულშემატკივარი ხარ, არ მჯერა და არც იმ ადამიანებს სჯერათ, რომლებიც საარჩევნო ყუთთან დადგებიან
მიხეილ ყაველაშვილი: ფეხბურთის გამო დავიწყე წინა ხელისუფლებასთან ბრძოლა - 30-მდე სრულყოფილი სტადიონი გაანადგურეს
მიხეილ ყაველაშვილი: აუცილებლად დადგება იგივე სიხარულის დღე, როცა გავხდებით ევროპის და ასევე მსოფლიო ჩემპიონები
ფაიგ ნაბიევი: იფთარზე ჩვენი შეკრება იმის გამოხატულებაა, რომ ქვეყანაში ტოლერანტობა, შემწყნარებლობა და ურთიერთპატივისცემა ჩვენი ცხოვრების წესია და ამ ყველაფრის გარანტორი სახელმწიფოა
არქივი