61
18 მარტი 2023, 20:07
დიდ ბრიტანეთში საქართველოს ელჩის განცხადებით ბრიტანეთის პირველი დიპლომატის ვიზიტს საქართველოში, რეგიონში არსებული დაძაბულობის ფონზე ძალიან დიდი დატვირთვა აქვს.
სოფიო ქაცარავამ აღნიშნა, რომ ამ ვიზიტით კიდევ ერთხელ დადასტურდა ჩვენ ორ ქვეყანას შორის არსებული მყარი და სტრატეგიული თანამშრომლობა.
„ბრიტანეთის საგარეო მდივნის ვიზიტს განსაკუთრებული მნიშვნელობა და დატვირთვა აქვს რეგიონში არსებული გამოწვევების ფონზე. ვიზიტმა კიდევ ერთხელ დაადასტურა ჩვენ ორ ქვეყანას შორის არსებული მყარი და სტრატეგიული თანამშრომლობა და პარტნიორობა. ბრიტანეთი კვლავ მხარს უჭერს საქართველოს ტერიტორიულ მთლიანობას და სუვერენიტეტს და ასევე მხარდაჭერას განაგრძობს ქვეყნის მედეგობის გაძლიერების კუთხით“, - აღნიშნა სოფიო ქაცარავამ.
ბრიტანეთის საგარეო საქმეთა მინისტრმა ჯეიმს კლევერლიმ საქართველო უკვე დატოვა.
| სარეკლამო ადგილი - 11 650 x 60 |
