ევროკავშირის დროშა კიდია საქართველოს პარლამენტის წინ. ვისაც უნდა, რომ დაინახოს, დაე, გაახილოს თვალები, – ამის შესახებ პარლამენტის თავმჯდომარე შალვა პაპუაშვილმა ჟურნალისტებს განუცხადა კითხვაზე – „2011 წლის 26 მაისის შემქმნელებისგან რამდენად არის მისაღები კრიტიკა, თუნდაც დროშის დაკიდებასთან დაკავშირებით?“
„ეს არის ხალხი, რომელსაც არ აქვს აღქმა, რა არის დამოუკიდებლობა, თავისუფლება, სამშობლო, რა არის, იყო პასუხისმგებლიანი მოქალაქე თუ პოლიტიკოსი. ესენი არიან პასუხისმგებლობისგან და სამშობლოს განცდისგან დაცლილი ადამიანები. ამიტომ არც კი ღირს ამ ადამიანებთან კამათში შესვლა. გუშინაც ვთქვი, რომ დღეს ჩვენი ქალაქი სავსეა ქართული დროშებით და ეს უხარია ქართველ ხალხს. რაც შეეხება ევროკავშირის დროშას, ევროკავშირის დროშა კიდია საქართველოს პარლამენტის წინ. ვისაც უნდა, რომ დაინახოს, დაე, გაახილოს თვალები. ვისაც არ უნდა, რომ დაინახოს, მას რაც არ უნდა დროშები უფრიალო წინ, მაინც ვერ დაინახავს. ეს არის მთავარი საკითხი, რომ მათ უნდათ, რაიმენაირად ეს დღე ჩააშხამონ ქართულ საზოგადოებას. კიდევ ერთხელ, მე ყველას ვულოცავ ამ დღეს, ბოლომდე ვიზეიმოთ, ეს დღე ჩვენია, არავის წავართმევინოთ ეს დღე“, – განაცხადა შალვა პაპუაშვილმა.
| სარეკლამო ადგილი - 11 650 x 60 |
