დიდი მადლობა მხარდაჭერისთვის! როცა ადამიანებს ასე სჯერათ შენი სიმართლის, დანარჩენი მხოლოდ დროის საკითხად იქცევა, - ამის შესახებ “მთავარი არხის“ გენერალური დირექტორი, პატიმრობაში მყოფი ნიკა გვარამია სოციალურ ქსელში გავრცელებულ განცხადებაში წერს.

ნიკა გვარამია განცხადებაში „ცალკე განსაკუთრებულ მადლობას“ უხდის ქართულ საზოგადოებას, რომ "აზიმუტის" თვითმფრინავები ცარიელი დაფრინავს.

„არც მიტინგებზე გავიდნენ, მაგრამ არც თვითმფრინავში ჩასხდნენ. მთავარი ზუსტად ესაა: არ არსებობს არანაირი ბმა ქართველებსა და რუსებს შორის, უბრალოდ, ბუნებაში აღარ არსებობს, სამუდამოდ ჩაჭრილია აღუდგენლად. ვერ შეცვლის ამას ივანიშვილი და მისი ამქარი, რაც არ უნდა ქნას, ვერ შეცვლის”, - წერს გვარამია „ფეისბუქზე“ გავრცელებულ განცხადებაში.