ეკონომიკისა და მდგრადი განვითარების მინისტრის ლევან დავითაშვილის განცხადებით, საქართველოს მალე ევროკავშირის წარმომადგენელი ეწვევა, რომელიც არის უმაღლესი პასუხისმგებელი პირი სანქციების აღსრულებაზე.
„სანქციებზე ჩვენ ვისაუბრეთ, მაგრამ სანქციებზე ვისაუბრეთ სანქციების აღსრულების ნაწილში, ეს კომპლექსური საკითხია. ვისაუბრეთ იმაზე, რომ ევროკავშირის წარმომადგენელი, რომელიც არის უმაღლესი პასუხისმგებელი პირი სანქციების აღსრულებაზე, საქართველოს ეწვევა, უფრო დეტალურად გაეცნობა საქართველოში ვითარებას. იცით, რომ საქართველო აღიარებული, საიმედო პარტნიორია სანქციების აღსრულების ნაწილში და ჩვენ ვამბობთ ხაზგასმით და დღეს პრემიერმაც აღნიშნა, რომ მიუხედავად იმისა, რომ რუსეთს არ ვუწესებთ ინდივიდუალურ სანქციებს, სანქციების გვერდის ავლას არ შევუწყობთ ხელს. ამაზე იყო საუბარი. აქაც დაისვა კითხვა, რომ როდესაც ჩვენ ვსაუბრობთ ფრენების განახლებაზე, საქართველოს დღეს გააჩნია ერთი ფიზიკური საზღვარი, ეს არის ლარსის გამშვები პუნქტი რუსეთის ფედერაციასთან და ფრენების აღდგენის შემდეგ გაგვიჩნდა სამი საავიაციო დამაკავშირებელი წერტილი - ეს არის თბილისის, ბათუმის და ქუთაისის აეროპორტები და აქაც თუ მოხდებოდა სანქციების აღსრულების მონიტორინგი საქართველოს საბაჟო უწყების მხრიდან. ამაზე მიიღეს დადებითი პასუხი ჩვენმა პარტნიორმა ქვეყნებმა“, - განაცხადა დავითაშვილმა „ქრონიკაში“.
| სარეკლამო ადგილი - 11 650 x 60 |
