ჩვენი მოლოდინი არის, რომ ერთი წლის, წლინახევრის ფარგლებში საბოლოო გადაწყვეტილება იქნება მიღებული. ეს ეხება ბერმუდის სასამართლოს. რაც შეეხება სინგაპურს, ცოტა განსხვავებულ ვადებთან გვაქვს საქმე, - ამის შესახებ ბიძინა ივანიშვილის ადვოკატმა ბიძინა ივანიშვილისა და Credit Suisse-ის დავასთან დაკავშირებით „ქრონიკაში“ განაცხადა.
„ჩვენი გამოცდილება „კრედიტ სუისთან“ და მის შვილობილ კომპანიებთან არის შემდეგი - მოწინააღმდეგე მხარე მაქსიმალურად ცდილობს ნებისმიერი ბერკეტი, ნებისმიერი მექანიზმი, გამართლებული, თუ გაუმართლებელი გამოიყენოს იმისათვის, რომ გააჭიანუროს საქმეზე საბოლოო გადაწყვეტილების მიღება. ვშიშობთ და ვფიქრობთ, რომ მაქსიმალურად შეეცდებიან პროცედურების გაჭიანურებას. „კრედიტ სუისი“ და მასთან დაკავშირებული ორგანიზაციები აცნობიერებენ, რომ წარმატების პერსპექტივა არსებითი თვალსაზრისით ამ საქმეებთან მიმართებაში არ გააჩნიათ და აქცენტები მხოლოდ გაკეთებული აქვთ პროცესის გაჭიანურებაზე. რაც შეეხება ლონდონში, უზენაეს სასამართლოში, როგორც სასამართლო პრაქტიკა აჩვენებს, საშუალოდ ერთი წელი, წელიწად-ნახევარი არის საჭირო იმისთვის, რომ უმაღლესმა სასამართლომ საქმეზე გადაწყვეტილება გამოიტანოს. ჩვენი მოლოდინი არის, რომ ერთი წლის, წლინახევრის ფარგლებში საბოლოო გადაწყვეტილება იქნება მიღებული. ეს ეხება ბერმუდის სასამართლოს. რაც შეეხება სინგაპურს, ცოტა განსხვავებულ ვადებთან გვაქვს საქმე, რადგან მხოლოდ პირველი ინსტანციის გადაწყვეტილებაა, დარჩენილია სააპელაციო ინსტანცია, სადაც გასაჩივრებულია გადაწყვეტილება. შემდგომ ლონდონში გაასაჩივრებენ [„კრედიტ სუისი“] თუ არა საკასაციო წესით სინგაპურის სააპელაციო სასამართლოს გადაწყვეტილებას, ამას დრო გვიჩვენებს. თუმცა, როგორც გამოცდილება გვიჩვენებს, ისინი ყველა ბერკეტის გამოყენებას ცდილობენ, რომელიც გაჭიანურებამდე მიიყვანს პროცესს“, - აღნიშნა ადვოკატმა.
| სარეკლამო ადგილი - 11 650 x 60 |
