მე ვიცნობ ამ კაცს, ვიცი მისი ხელწერა, ჩავხედე თვალებში. ჩვენ გვაქვს უთანხმოება. ბევრ რამეზე ჩემგან განსხვავებული შეხედულება აქვს, მაგრამ ის პირდაპირ იყო, - ამის შესახებ აშშ-ის პრეზიდენტმა ჯო ბაიდენმა ჩინეთის ლიდერთან სი ძინპინთან შეხვედრის შემდეგ განაცხადა.
„ვფიქრობ, გარკვეულ პროგრესს მივაღწიეთ. შეხვედრა იყო ყველაზე პროდუქტიული, რაც კი აქამდე გვქონია. ვუბრუნდებით პირდაპირ, ღია, მკაფიო, პირდაპირ კომუნიკაციას. კრიტიკულად მნიშვნელოვანია პირდაპირი კონტაქტების აღდგენა სამხედროებს შორის, საკომუნიკაციო ხაზი პრეზიდენტებს შორის, მნიშვნელოვანია, გვქონდეს შესაძლებლობა, ავიღოთ ტელეფონი და მოვუსმინოთ ერთმანეთს. გავცვალეთ მოსაზრებები უამრავ გლობალურ საკითხზე, მათ შორის, უკრაინაში რუსეთის სასტიკ აგრესიულ ომზე და ღაზაში კონფლიქტის შესახებ. ასევე შევთანხმდით ფენტანილის ნაკადის შეზღუდვაზე და ხელოვნურ ინტელექტზე ერთობლივ მუშაობაზე“, - განაცხადა ჯობაიდენმა.
| სარეკლამო ადგილი - 11 650 x 60 |
