შიდა ტურიზმის შედეგებს ბათუმში, ხელვაჩაურში, ქედაში, ყველგან ვხედავთ-გიორგი გახარია
სარეკლამო ადგილი - 10
650 x 60
250 31 აგვისტო 2020, 11:46
გლობალურად ხედავთ, რომ ტურიზმის ნაკლებობაა აჭარაშიც და მსოფლიოშიც, თუმცა, ერთად დავირაზმეთ მთელი საქართველო და ვთქვით, რომ აღმოვაჩინოთ თავიდან ჩვენი ქვეყანა. შიდა ტურიზმის შედეგებს დღეს ბათუმში, ხელვაჩაურში, ქედაში, ყველგან ვხედავთ, - ამის შესახებ პრემიერ-მინისტრმა გიორგი გახარიამ ხელვაჩაურში, ხულოს, შუახევის, ქედისა და ხელვაჩაურის მაჟორიტარი დეპუტატობის კანდიდატის ანზორ ბოლქვაძისა და აჭარის ა/რ უმაღლესი საბჭოს მაჟორიტარი დეპუტატობის კანდიდატის, ფრიდონ ფუტკარაძის წარდგენისას განაცხადა.

როგორც პრემიერმა განაცხადა, არჩევნების დასრულების შემდეგ, მეორე დღიდანვე ქვეყანა სამუშაო რეჟიმზე უნდ გადავიდეს.

„დიდი პატივია, დღეს აქ ყოფნა და საუბარი იმაზე, რა უნდა გავაკეთოთ, ხვალ, ზეგ. საერთოდ, ყველას კარგად უნდა გვესმოდეს, რომ ახლა ყველანი საარჩევნო ციკლში ვართ და პირველი სექტემბრიდან ჩათვალეთ, რომ საარჩევნო კამპანია იქნება გახსნილი, მაგრამ როგორც კი ჩვენ სამართლიან ბრძოლაში გავიმარჯვებთ, მეორე დღიდან უნდა გადავიდეთ უკვე მუშაობის, ყოველდღიური შრომის ციკლზე და ამას დიდი მნიშვნელობა აქვს“, - განაცხადა პრემიერმა.

მისივე თქმით, ხელვაჩაურის უნიკალურობა მდგომარეობს იმაში, რომ აქ ერთ დონეზეა განვითარებული სოფლის მეურნეობა და ინდუსტრიული ეკონომიკა, ტურიზმიც, აქ ბევრი შესაძლობლობა აქვს ადამიანებს.

„სახელმწიფოს ძირითადი მოვალეობა გახლავთ ის, რომ ადამიანებს, რომელთაც არ ეზარებათ შრომა, შეუქმნას ყველა ის პირობა, რომ ღირსეულად იშრომონ და არჩინონ თავიანთი ოჯახები. სწორედ ამიტომ შექმნა სახელმწიფომ სხვადასხვა მიმართულებით სპეციალური პროგრამები საქართველოს თითოეული მოაქალაქისთვის, გლეხისთვის, რომ გახდეს ძლიერი ფერმერი.

წელს ცოტა გაგვიჭირდა პანდემიასთან დაკავშირებით, არამხოლოდ ჩვენ ქვეყანას, გლობალურად ხედავთ, რომ ტურიზმის ნაკლებობაა აჭარაშიც და მსოფლიოშიც, თუმცა, ერთად დავირაზმეთ მთელი საქართველო და ვთქვით, რომ აღმოვაჩინოთ თავიდან ჩვენი ქვეყანა და შიდა ტურიზმის შედეგებს დღეს ბათუმში, ხელვაჩაურში, ქედაში, ყველგან ვხედავთ - საქართველოს სხვადასხვა კუთხიდან რამდენი სტუმარი ჰყავს აჭარას. მთავარი გახლავთ ის, რომ სახელმწიფოს და მთავრობის გადადგმული ნაბიჯები არის აბსოლუტურად გააზრებული“, - განაცხადა გახარიამ.
სარეკლამო ადგილი - 11
650 x 60
ნიდერლანდების საგარეო საქმეთა სამინისტრო - ჟურნალისტებისა და LGBT პირების მიმართ ძალადობა და მუქარა სრულიად მიუღებელია
შალვა პაპუაშვილი ავრცელებს კრისტიან დანიელსონის დოკუმენტს, რომელზეც ირაკლი კობახიძისა და არჩილ თალაკვაძის ხელმოწერებია
ადა მარშანიამ "საქართველოს პატრიოტთა ალიანსი" დატოვა
შალვა პაპუაშვილი იმედოვნებს, რომ ოპონენტების ნაწილი პასუხისმგებლობას არ გაექცევა და საარჩევნო რეფორმის განხორციელებაში მონაწილეობას მიიღებს
გია ვოლსკი - არის ერთი კონკრეტული პარტია და ლიდერი, რომელიც უკვე გადავიდა უცნაურ, მაზოხისტურ განწყობაზე, ადამიანს უხარია, როდესაც მისი სიტყვით ხორციელდება დესტრუქციული პროცესები
არქივი