გივი მიქანაძე: აღმოვაჩინეთ, რომ ათეულობით ბათუ ქუთელია გვყოლია, საზოგადოებამ უნდა იცოდეს ვინ დააკვირდება არჩევნებს
სარეკლამო ადგილი - 10
650 x 60
190 27 ოქტომბერი 2020, 17:26
„გვინდა, რომ საზოგადოების წინაშე ყველაფერი იყოს მაქსიმალურად გამჭვირვალე. „ქართული ოცნება“ ყველაფერს აკეთებს იმისთვის, რომ ეს არჩევნები მშვიდობიანად, მაღალი დემოკრატიული სტანდარტებით ჩატარდეს და თითოეულ ადამიანს ჰქონდეს საშუალება, თავისუფლად გამოხატოს საკუთარი ნება“, - განაცხადა „ქართული ოცნების“ წარმომადგენელმა, გივი მიქანაძემ ტვ “რუსთავი 2"-ის ეთერში. 

მისი თქმით, დემოკრატიული პროცესის ძალიან მნიშვნელოვან კომპონენტს წარმოადგენს სადამკვირვებლო მისიების მიერ მონიტორინგის განხორციელება მიუკერძოებლად და სამართლიანად. 

„ამ პროცესში მნიშვნელოვანია თითოეული დამკვირვებლის ჩართულობა. როდესაც ჩვენმა მონიტორინგის ჯგუფმა ჩაიხედა, თუ რა სიტუაცია გვქონდა კონკრეტულ ადგილობრივ სადამკვირვებლო ორგანიზაციებთან მიმართებაში, ჩვენთვისაც გასაოცარი იყო, რომ თურმე ყოველი მეოთხე ორგანიზაცია, რომელიც ცესკო-ს მიერ დარეგისტრირდა 31ოქტომბრის არჩევნებზე დასაკვირვებლად, პირდაპირ კავშირშია სხვადასხვა პოლიტიკურ სუბიექტებთან. საზოგადოებამ თვითონ განსაჯოს, რამდენად შეიძლება დავეყრდნოთ მათ დასკვნებს, მათ საჩივრებს. ორგანიზაცია, რომელსაც აფუძნებს დიმიტრი შაშკინი და ორგანიზაცია, რომელსაც ამჟამად ხელმძღვანელობს მურთაზ ზოდელავა, ნეიტრალურ ანგარიშს დადებს? ან კიდევ ისინი გარკვეულ პროვოკაციებს არ მოაწყობენ და საჩივრები არ წამოვა მათგან? ორგანიზაცია, რომელშიც გამგეობის წევრებად არიან ლევან ხაბეიშვილი, პაატა მანჯგალაძე, თეონა ჭალიძე, კიდევ ერთხელ ადასტურებს, რომ „ნაციონალური მოძრაობა“ და მისი განშტოებები ფაქტიურად ერთმანეთთან კავშირში არიან. ეს ორგანიზაცია შეძლებს, რომ ნეიტრალური პოზიცია დაიკავოს საარჩევნო პროცესების დაკვირვებასთან მიმართებაში? კანონი მათ არ ზღუდავს. ჩვენი ხელისუფლების დამსახურებაა, რომ ასეთ მიკერძოებულ ორგანიზაციებსაც კი აქვთ შესაძლებლობა დააკვირდნენ პროცესებს. 32 ორგანიზაციაა, რომელიც საჯარო წყაროთი იქნა მხილებული, კერძოდ საჯარო რეესტრის წყაროებით. არსებობს ანგარიში, რომელშიც მოცემულია ინფორმაცია, რომ კონკრეტულ პირებს აქვთ გადარიცხული კონკრეტული პარტიებისთვის შემოწირულობები ან მუშაობენ სხვადასხვა პარტიების ფრაქციებში, მათ შორის, პარლამენტის მოქმედი თანამშრომლები არიან სხვადასხვა ფრაქციებში. მათ აქვთ კონკრეტული ინტერესები და მიზანმიმართული განცხადებები გაკეთებული და ისინი პირდაპირ არიან დაკავშირებული ამ პარტიებთან. ცოტა ხნის წინ იყო ბათუ ქუთელიასთან დაკავშირებული საკითხი, როდესაც აღმოჩნდა, რომ არასამთავრობო ორგანიზაცია, რომელსაც ის ხელმძღვანელობს, აწერდა ხელშეკრულებას ხელს, რომლითაც ლობისტებთან გარკვეულ გარიგებაში შედიოდნენ. დღეს კი აღმოვაჩინეთ, რომ ათეულობით ბათუ ქუთელია გვყოლია. საზოგადოებამ უნდა იცოდეს, ვინ აკვირდება ამ არჩევნებს“, -განაცხადა გივი მიქანაძემ.
სარეკლამო ადგილი - 11
650 x 60
ნიდერლანდების საგარეო საქმეთა სამინისტრო - ჟურნალისტებისა და LGBT პირების მიმართ ძალადობა და მუქარა სრულიად მიუღებელია
შალვა პაპუაშვილი ავრცელებს კრისტიან დანიელსონის დოკუმენტს, რომელზეც ირაკლი კობახიძისა და არჩილ თალაკვაძის ხელმოწერებია
ადა მარშანიამ "საქართველოს პატრიოტთა ალიანსი" დატოვა
შალვა პაპუაშვილი იმედოვნებს, რომ ოპონენტების ნაწილი პასუხისმგებლობას არ გაექცევა და საარჩევნო რეფორმის განხორციელებაში მონაწილეობას მიიღებს
გია ვოლსკი - არის ერთი კონკრეტული პარტია და ლიდერი, რომელიც უკვე გადავიდა უცნაურ, მაზოხისტურ განწყობაზე, ადამიანს უხარია, როდესაც მისი სიტყვით ხორციელდება დესტრუქციული პროცესები
არქივი