თამარ ჩიბურდანიძე: როგორც ბაიდენისთვის, ასევე, ტრამპისთვისაც ევროპა საჯილდაო მოედანი აღმოჩნდა - ამ პოლიტიკურ უწესრიგობაში საქართველოს აქტიურობის დრო არ არის
სარეკლამო ადგილი - 10
650 x 60
35 15 იანვარი 2025, 17:44

საფრანგეთის პრემიერ-მინისტრმა ტრამპის პოლიტიკას „ახალი მსოფლიო უწესრიგობა“ უწოდა და ევროპას სიფრთხილისკენ მოუწოდა. უწესრიგობიდან იწყება ახალი წესრიგი, ეს ისტორიის ჭეშმარიტებაა, - წერს „ხალხის ძალის“ წევრი თამარ ჩიბურდანიძე სოციალურ ქსელში.

მისი თქმით, როგორც ბაიდენისთვის, ასევე, ტრამპისთვისაც ევროპა საჯილდაო მოედანი აღმოჩნდა, ამ პოლიტიკურ უწესრიგობაში კი საქართველოს აქტიურობის დრო არ არის.

„თუ გსურს ახლებურად დაალაგო, ჯერ უნდა აურიო და მართო პროცესები. სხვის არეულზე შენთვის სასარგებლოდ ვერ დაალაგებ პოლიტიკაში. სწორედ ამას აკეთებს დღეს ტრამპი მსოფლიოში. თუმცა, მისი სტრატეგია ჯერ მხოლოდ ევროპაზე ხორციელდება. ჯერ ბაიდენის ომის პოლიტიკამ საგრძნობლად დაასუსტა ევროპა. ახლა კი ტრამპი თავისებურად ურევს და ახლებურად ალაგებს, რაც კიდევ უფრო ასუსტებს მათ.

დონალდ ტრამპი არც პირველი პრეზიდენტობის პერიოდში გამოირჩეოდა ევროკავშირის მიმართ ღრმა პატივისცემით. ჩვენ გვახსოვს მისი კრიტიკაც და ირონიაც ევროპის ლიბერალური პოლიტიკის მიმართ. უფრო მეტიც, ის ევროპას ბრალს სდებდა „ღირებულებით დეგრადაციაში“.

საფრანგეთის პრემიერ-მინისტრის, ფრანსუა ბაირუს განცხადება ილონ მასკზე, რომ მას უნდა უფრთხილდნენ, ნიშნავს იმას, რომ ისინი უნდა უფრთხილდნენ ახალ ამერიკულ პოლიტიკას. როდესაც ევროპის ლიდერი სახელმწიფო ამას აცხადებს, ე.ი. სიტუაცია ბევრად უფრო მძიმეა მათთვის, ვიდრე ჩანს.

ტრამპის „ახალი მსოფლიო უწესრიგობა“ ჯერ ვერ უახლოვდება ჩინეთს, რადგან კარგად აანალიზებენ არსებულ რეალობას. რუსეთს დღესდღეობით სრული შესაძლებლობა მისცეს სისრულეში მოიყვანოს მისი გეგმები, რომელიც ევროპის ნაწილისკენაც მიდის. ევროპა, როგორც ბაიდენისთვის, ასევე, ტრამპისთვისაც, საჯილდაო მოედანი აღმოჩნდა. საკითხავია, გაუძლებს კი ამდენ რყევებს? ან, რა დარჩება იმ ევროკავშირისგან, რომლის დანაწევრებაც როგორც ჩანს, უკვე ჩაფიქრებულია.

ამ „პოლიტიკურ უწესრიგობაში“, სადაც ლიდერი სახელმწიფოები ერთმანეთს ძირავენ, საქართველოს აქტიურობის დრო არ არის. ახლა ყველაზე მეტად სიდინჯის დროა, რასაც აკეთებს კიდეც ხელისუფლება“, - წერს თამარ ჩიბურდანიძე.

სარეკლამო ადგილი - 11
650 x 60
გია აბაშიძე:„დიფ სთეითის" გამართლების კონტექსტში, საქართველოში გერმანიის ელჩი მანიპულატორობს, ევროკავშირმა მოლდოვისთვის დახმარების პაკეტი ახლა კი არ მიიღო, არამედ მაია სანდუს წინასაარჩევნო „დასაბუსტად“
ნინო წილოსანი ლევან ღამბაშიძეზე: იტყუება და თუ საჯაროდ არ უარყოფს ჩემთან დაკავშირებულ ცრუ ბრალდებას, სასამართლოში შევხვდებით
გიორგი ჩაკვეტაძე გვარამია/გირჩი ჯაფარიძეზე: საკუთარი ქვეყნის პარლამენტის საბოტაჟის და ცეცხლის წაკიდების შემდეგ, ახლა ევროპარლამენტში ცდილობენ გააშავონ საქართველო
წინასაარჩევნო პროცესების “მხარდაჭერისთვის” USAID-მა 42 მილიონამდე დოლარიდან, 15 მილიონი მხოლოდ ახალგაზრდების მიმართულებით დახარჯა, დიახ, თვითორგანიზებულებს რომ უწოდებენ თავს, ამ “თვითრგანიზებულობაში” დაიხარჯა ამხელა თანხა და დღემდე იხარჯება
სამომავლოდ აშშ-ის საელჩო საქართველოში სავარაუდოდ გააქტიურდება, მაგრამ მხოლოდ ახალი ფორმატით – შესაძლოა გადახალისებული კადრებით, უფრო ფრთხილად და გააზრებულად
არქივი