ექსპერტი ედიშერ გვენეტაძე ბიზნესმენ ბესიკ ხარძიანის შვილის, ბესო ხარძიანის განცხადებას ეხმიანება, რომელმაც 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე, ციხეში ხარძიანის წამების დეტალების შესახებ ისაუბრა.
როგორც გვენეტაძე აღნიშნავს, „ეს სისტემა დაამკვიდრა "დიფ სთეითმა" მიშა სააკაშვილის ხროვის მეშვეობით საქართველოში. სადაც კრიმინალის ორგანიზებას უმაღლესი ხელისუფლება ახდენდა პენიტენციურ სისტემაში მომუშავე და იქ სასჯელის მოხდის პროცესში მყოფი ადამიანებით, რომლებიც კრებსით დამნაშავეებად აქცია თავად სისტემამ“.
მისი თქმით, ამ უსაშინელესი სისტემის შემოქმედ ავაზაკებს იცავს და თან ზედ ჰყვება დღევანდელი ევრობიუროკრატია თავისი ევროპოლიტიკოსებით.
„აი ეს არაადამიანური სისტემა დაამკვიდრა "დიფ სთეითმა" მიშა სააკაშვილის ხროვის მეშვეობით საქართველოში. სადაც კრიმინალის ორგანიზებას უმაღლესი ხელისუფლება ახდენდა პენიტენციურ სისტემაში მომუშავე და იქ სასჯელის მოხდის პროცესში მყოფი ადამიანებით, რომლებიც კრებსით დამნაშავეებად აქცია თავად სისტემამ. ეს დღეს ნათლად წარმოაჩინა აწ უკვე „ქილერის" ტყვიით მოკლულის შვილმა ბ-ნმა ბესო ხარძიანმა, რომელმაც დროებითი საგამოძიებო კომისიის სხდომას მოუთხრო თუ რა საზიზღარ მეთოდებს იყენებდნენ პატიმართა წინააღმდეგ 21-ე საუკუნის გარიჟრაჟზე ლიბერალ-ფაშისტები. რაც მთავარია ამ უსაშინელესი სისტემის შემოქმედ ავაზაკებს იცავს და თან ზედ ჰყვება დღევანდელი ევრობიუროკრატია თავისი ევროპოლიტიკოსებით. აქედან გამომდინარე მკაფიოდ ჩანს თუ როგორ ეწვით კუდი თუ გინდ ამ საქმეების გამო ევრობიუროკრატებს“, - წერს ედიშერ გვენეტაძე.
| სარეკლამო ადგილი - 11 650 x 60 |
