უკეთურების მოყვარე ე.წ. NGO-ები ხელისუფლებას კი არ უპირისპირდებიან, არამედ ებრძვიან ყოველივე ქართულს, ფასიანი ბრძანების გამო ყველაფერს მოაწერენ ხელს და მათი ადგილი არ უნდა იყოს კანონით დაშვებულ სივრცეში, - წერს ანალიტიკოსი გია აბაშიძე სოციალურ ქსელში.
მისი განცხადებით, მკაცრი დასავლური სტანდარტების შესაბამისად, აღსაკვეთია გარედან დაფინანსება და აგენტოკრატიის თარეში, ხოლო, ამ პროცესს არჩეული კანონმდებლები ბოლომდე მიიყვანენ. მისივე თქმით, პარლამენტის თავმჯდომარე შალვა პაპუაშვილის მოსაზრებას, რომ არასამთავრობოები, რომლებიც სიძულვილს ავრცელებენ და ძალადობას აფინანსებენ, სამოქალაქო საზოგადოებად ვერ ჩაითვლება, სრულიად ეთანხმება.
„უკეთურების მოყვარე ე.წ. NGO-ები ხელისუფლებას კი არ უპირისპირდებიან, არამედ ებრძვიან ყოველივე ქართულს, ფასიანი ბრძანების გამო ყველაფერს მოაწერენ ხელს და მათი ადგილი არ უნდა იყოს კანონით დაშვებულ სივრცეში. დემოკრატია ყველა ბოროტი ვიგინდარას თავაშვებულობას არ ნიშნავს, იმის მიუხედავად თუ რომელ ვალუტაში იღებს გასამრჯელოს და რომელი უცხო ძალა მართავს. მკაცრი დასავლური სტანდარტების შესაბამისად, აღსაკვეთია ბინძური საგარეო ფინანსური ინექციები და აგენტოკრატიის ცოფიანი „ნაცფინიების“ თარეში, პროცესს ბოლომდე მიიყვანენ არჩეული კანონმდებლები.
სრულიად ვეთანხმები პარლამენტის თავმჯდომარეს, შალვა პაპუაშვილს, რომ „ენჯეო-კარტელის ეს ბოსები და ოპოზიციის მიერ კონტროლირებადი მედია სულ უფრო მეტად ემსგავსება „ათასი ბორცვის რადიოს“, ზიზღის გამღვივებელ მედიას, რომელმაც მთავარი როლი შეასრულა, 30 წლის წინ, რუანდაში დატრიალებულ გენოციდში. არასამთავრობო ორგანიზაციების, ოპოზიციის პარტიული მედიისა და ე.წ. სამოქალაქო აქტივისტებისგან მომდინარე სიძულვილის ენა უკვე ყოველდღიურობად გვექცა. სიტყვის თავისუფლების საფარქვეშ, ეს ადამიანები არა მხოლოდ პოლიტიკურ პოლარიზაციას ახალისებენ, არამედ ისწრაფვიან სამოქალაქო დაპირისპირებისკენ, რაც ძალაუფლებისთვის მათი ბრძოლის მთავარი ტაქტიკაა“, - წერს გია აბაშიძე.
| სარეკლამო ადგილი - 11 650 x 60 |
