გია ვოსლკი - უტიფრობაა, როცა გამორჩეული აგრესიულობით ლაპარაკობენ ხელისუფლების წარმომადგენლები, რომლებსაც არაფერი გაუკეთებიათ
სარეკლამო ადგილი - 10
650 x 60
440 26 აგვისტო 2020, 20:09

„სირთულეებზე გამორჩეული აგრესიულობით ლაპარაკობენ იმ ხელისუფლების წარმომადგენლები, რომელსაც არაფერი გაუკეთებია არც ბავშვებისათვის, არც სოციალურ პაკეტის შესაქმნელად“, - ამის შესახებ პარლამენტის ვიცე-სპიკერი გიორგი ვოლსკი Facebook-ზე წერს.

„ახლახან მოვისმინეთ გაეროს ბავშვთა ფონდის ანგარიში საქართველოს ხელისუფლების მიერ ბავშვების დასახმარებლად მიღებული გადაწყვეტილებების საუკეთესო შეფასებით. ამასთანავე ბევრმა არც იცის, რომ ანგარიშში მოყვანილ მაჩვენებლების გარდა:

სოციალურად დაუცველ ოჯახებში ბავშვები, 16 წლის ჩათვლით, ყოველთვიურად, შემწეობასთან ერთად იღებენ 50 ლარს (ასეთი 160 ათასზე მეტი ბავშვია); იმ რეგიონებში, სადაც ჯერ კიდევ სიკვდილობა ჭარბობს შობადობას, ყოველი მესამე და შემდგომი ორ წლამდე ბავშვი ყოველთვიურად 150 ლარის ოდენობით ფინანსდება, ხოლო 200 ლარის ოდენობით მაღალთიან რეგიონში.

ამასთანავე პირველ და მეორე ბავშვზეც გაიცემა 100 ლარი ყოველთვიურად; მრავალშვილიანი ოჯახები, რომელთა სტატუსი განისაზღვრება ოთხი და მეტი შვილით, სახელმწიფოს მხრიდნ სარგებლობენ ელექტროენერგიის სუფსიდირების პროგრამით; მშობიარობას სახელმწიფო აფინანსებს.

შეზღუდული შესაძლებლობის მქონე ბავშვებისთვის დახმარების პაკეტის ზრდა განხორციელდა ორ ეტაპად: მიმდინარე წლის იანვრიდან 200 ლარიდან 220 ლარამდე, ხოლო ივლისიდან 220 ლარიდან 250 ლარამდე. ამასთანავე, სახელმწიფო აფინანსებს ასეთი ბავშვების დღის ცენტრებს; უფასო გახდა საბავშვო ბაღები და მნიშვნელოვნად გაუმჯობესდა კვების რაციონი.

კვების რაციონის გარეშე არ დარჩენილან ბავშვები, როდესაც პანდებმიის გამო საბავშვო ბაღები დაიკეტა; აბორტების რაოდენობა ორჯერ შემცირდა; ათასობით ადამიანი გადაურჩა სიკვდილს, მათ შორის ახალგაზრდები, თუნდაც ჰეპატიტის მკურნალობის პროგრამით.

სახელმწიფოს სოციალური პოლიტიკის ნაწილობრივი დახასიათებისთვის ამ ყველაფერს დაუმატეთ მკურნალობის ხარჯების მნიშვნელოვანი ნაწილის და საზღვარგარეთ მკურნალობის დაფინანსება;

არავინ ამბობს, რომ ზოგადად კარგი მდგომარეობაა, მაგრამ უტიფრობაა, სირთულეებზე გამორჩეული აგრესიულობით ლაპარაკობენ იმ ხელისუფლების წარმომადგენლები, რომლებსაც არაფერი გაუკეთებიათ არც ბავშვებისათვის, არც სოციალურ პაკეტის შესაქმნელად.

თითქმის არც ერთი ზემოთ ხსენებული პროგრამა ან საერთოდ არ მოქმედებდა ან უმნიშვნელო იყო. ხელისუფლებიდან წასულებმა სიღარიბის ზღვარს ქვემოთ მყოფი მილიონნახევარზე მეტი და შვილების ჯანმრთელობის გადასარჩენად იპოთეკით დაზარალებული ათასობით ადამიანი დატოვეს“, - წერს გიორგი ვოლსკი.

გაეროს ბავშვთა ფონდმა მოსახლეობისა და ბავშვთა სიღარიბეზე კორონავირუსის პანდემიის ზეგავლენის დასადგენი მიკროსიმულაციის მოდელის ანგარიში წარადგინა. UNICEF-ის კვლევის თანახმად, საქართველოს მთავრობის ანტიკრიზისული ფულადი დახმარება მნიშვნელოვნად უწყობს ხელს სიღარიბის დაძლევას.

სარეკლამო ადგილი - 11
650 x 60
„ლელოს“ მცდელობა რომ პრემიერი ინიციატივებს სარმა დაუდონ, გამოწვეულია მათ შორის იმითაც, რომ საკუთარ ბიზნესებს და მათი ლიდერების მიერ დაფინანსებულ პარტიულ მედიას გადასახადებიდან თავის დაძვრენის საშუალება მისცენ
ზვიადაურის მოსამართლე მამუკა წიკლაური ნაცების ყოფილი პროკურორის, ნიკა გვარამიას ნათესავის, მამუკა გვარამიას დის ქმარია
შალვა პაპუაშვილი ლომჯარიაზე: დროა, მოვიწვიოთ კონფერენცია ლეგიტიმაციის, დემოკრატიისა და ხალხის არჩევანის საკითხებზე
„ადამიანებში, რომლებსაც აქვთ მენტალური დაავადებები, კოვიდისგან სიკვდილიანობა 50%-ზე მაღალია“ - გიორგი ფხაკაძე
„გიული ალასანია თავისი შვილის დროს გაუბედურებული ყველა პატიმრის თუ არაპატიმრის დედას დასცინის “ - წერეთელი
არქივი