კახაბერ ქემოკლიძე - ამერიკელმა პარტნიორებმა გახარიას გადადგომის გადაწყვეტილება სწორ და პრინციპულ პოზიციად შეაფასეს, რადგან ის პოლარიზაციის კიდევ უფრო გაღრმავების არდაშვებას ემსახურებოდა
სარეკლამო ადგილი - 10
650 x 60
201 24 მარტი 2021, 17:43

მთავრობის ადმინისტრაციის ყოფილი უფროსი კახაბერ ქემოკლიძე გუშინ აშშ-ის სენატში გამართულ მოსმენასთან დაკავშირებით სოციალურ ქსელში საკუთარ მოსაზრებას ავრცელებს.

„ჩემი მოკრძალებული აზრი გუშინ აშშ-ს სენატში გამართულ მოსმენასთან დაკავშირებით:

1. ბოლო 8/9 წლის განმავლობაში ეს არის პირველი შემთხვევა, როდესაც ამერიკის სენატში მსგავსი, შინაარსობრივად უკიდურესად ნეგატიურად დატვირთული განცხადებები ისმოდა საქართველოს ხელისუფლების და რიგ შემთხვევებში ოპოზიციის მიერ გადადგმული რადიკალური ნაბიჯების მისამართით;

2. მეგობრები და პარტნიორები გასაკვირად კარგად არიან ინფორმირებულები საქართველოში მიმდინარე პროცესებთან დაკავშირებით, რაც იმას ნიშნავს, რომ მათი „Staffer“-ები, ისევე როგორც საკანონმდებლო/სახელმწიფო აპარატს მიღმა მყოფი ორგანიზაციები კიდევ უფრო ღრმად და დეტალურად აკვირდებიან ჩვენს ქვეყანაში მიმდინარე პროცესებს;

3. ამერიკელმა სენატორებმა დაადასტურეს ის განცდა, რაც ყველას გვქონდა – შექმნილი პოლიტიკური კრიზისით სარგებლობს (თანაც მინიმალური დანახარჯით) ოკუპანტი რუსეთი და რომ პოლიტიკური პოლარიზაცია გახდა ქვეყნის ეროვნული უსაფრთხოების გამოწვევა;

4. ამერიკელმა მეგობრებმა ქართულ პოლიტიკურ ისტებლიშმენტს კრიზისის დაძლევის მზა სახელმწიფოებრივი ხედვა შესთავაზეს – გვერდით გადაიდოს მოკლევადიანი პოლიტიკური დღის წესრიგი, სახელმწიფოს ინტერესების დაცვის მიზნით დაიძლიოს პოლარიზაცია და ნაბიჯ-ნაბიჯ გაგრძელდეს დემოკრატიის მშენებლობა;

5. ამერიკელმა პარტნიორებმა გახარიას მიერ გადადგომის შესახებ მიღებული გადაწყვეტილება სწორ და პრინციპულ პოზიციად შეაფასეს, რადგან ის რადიკალიზაციის და პოლარიზაციის კიდევ უფრო გაღრმავების არ დაშვებას ემსახურებოდა;

6. გუშინ მკაფიოდ ითქვა, რომ ფინანსური ბერკეტების ამოქმედებამდე ერთ ნაბიჯში ვართ. ეს იყო საჯარო და მკაფიო სიგნალი, რომ სახელმწიფოს, დემოკრატიული განვითარების გზაზე მეტი შეცდომების დაშვების უფლება არ გვაქვს!

P.S. ახლა მნიშვნელოვანია, რომ ჩვენი მეგობრების და სტრატეგიული პარტნიორების ეს გზავნილები ადეკვატურად (და არა ვიწრო პარტიული პრიზმით) იქნას აღქმული და კონკრეტულ ნაბიჯებში აისახოს. დაპირისპირებული მხარეების მხრიდან კონტექსტიდან ამოღებული ცალკეული გზავნილების საკუთარ ინტერესებზე მორგების ნებისმიერი მცდელობა იქნება სრულიად უშედეგო და კიდევ უფრო კონტრპროდუქტიული“, – წერს კახაბერ ქემოკლიძე „ფეისბუქში“.

სარეკლამო ადგილი - 11
650 x 60
„ლელოს“ მცდელობა რომ პრემიერი ინიციატივებს სარმა დაუდონ, გამოწვეულია მათ შორის იმითაც, რომ საკუთარ ბიზნესებს და მათი ლიდერების მიერ დაფინანსებულ პარტიულ მედიას გადასახადებიდან თავის დაძვრენის საშუალება მისცენ
ზვიადაურის მოსამართლე მამუკა წიკლაური ნაცების ყოფილი პროკურორის, ნიკა გვარამიას ნათესავის, მამუკა გვარამიას დის ქმარია
შალვა პაპუაშვილი ლომჯარიაზე: დროა, მოვიწვიოთ კონფერენცია ლეგიტიმაციის, დემოკრატიისა და ხალხის არჩევანის საკითხებზე
„ადამიანებში, რომლებსაც აქვთ მენტალური დაავადებები, კოვიდისგან სიკვდილიანობა 50%-ზე მაღალია“ - გიორგი ფხაკაძე
„გიული ალასანია თავისი შვილის დროს გაუბედურებული ყველა პატიმრის თუ არაპატიმრის დედას დასცინის “ - წერეთელი
არქივი