მსჯავრდებული ნიკა გვარამია საპატიმროდან წერილს აგზავნის, რომელიც სოციალურ ქსელში ვრცელდება
სარეკლამო ადგილი - 10
650 x 60
57 23 მაისი 2022, 23:05
 “მთავარი არხის” გენერალური დირექტორი, მსჯავრდებული  ნიკა გვარამია საპატიმროდან წერილს აგზავნის, რომელიც სოციალურ ქსელში ვრცელდება.

მოგესალმებით ყველას!
დიდი მადლობა მხარდაჭერისა და თანაგრძნობისთვის!

თავს ვგრძნობ კარგად და მხნედ! დიდი გულისყურით და კმაყოფილებით ვაკვირდები იმას, რომ ბოლო-ბოლო ყველას ჩამოეხსნა თვალებიდან ლიბრი და სრულიად გაქარწყლდა აქამდე არსებული ყველა მცირედი ილუზიაც კი, რომ ქართველებს არ შეგვიძლია ერთი მიზნის ირგვლივ გაერთიანება, რომ ყველაფერი საზოგადოებაში არსებული პოლარიზაციის ბრალია, რაშიც, თითქოს ყველანი თანაბრად ვართ ჩართული და ყველანი დამნაშავე ვართ.
არა და არა, მეგობრებო!

დღეს მოვისმინე გერმანელი პროფესორის ჰანს გუთბროდის უნაკლო ანალიზი და მოწოდება, რომ საქართველოსთან მიმართებით უნდა “დავმარხოთ სიტყვა პოლარიზაცია”.
ეს მოწოდება, პირველ რიგში, ჩვენს უცხოელ მეგობრებს მიემართება, რომელნიც ამდენი ხანი შეცდომაში შეყავდა ივანიშვილის მიერ მოგონილი პოლარიზაციის აბსურდს. სინამდვილეში, ეს ივანიშვილის მიერ შექმნილი მართვადი ქაოსია, რომლითაც ქვეყანას რუსეთისკენ მიათრევს, აგერ, უკვე, რამდენი წელია და სამყაროს უქმნის არასწორ განცდას, თითქოს ჩვენ უმწეო და უუნარო ერი ვართ, რომელიც არ იმსახურებს ევროპულ ოჯახში ყოფნას.

ჭეშმარიტად, რასაც ჩვენს ქვეყანაში ვხედავთ, ეს არ არის ჰორიზონტალური პოლარიზაცია, ანუ დაპირისპირება ოპოზიციასა და ხელისუფლებას შორის, მემარჯვენეებსა და მემარცხენეებს შორის და ა.შ. ეს არის ვერტიკალური პოლარიზაცია, სადაც მაღლა პოლუსზე დამნაშავე ოლიგარქია, თავისი ღრმად კორუმპირებული სისტემით და ჩინოვნიკებით; თავისი ასი ათასობით ბიუჯეტის პარაზიტით, ვინც ხელფასზე ჰყიდის სამშობლოს; თავისი ექსტრემისტული ძალებით, ვინც არბევს, ცემს, ხოცავს, მის მიერ მიტაცებული სახელმწიფოთი. ხოლო ქვედა პოლუსზეა ქართველი პატრიოტები, ანუ ყველა დანარჩენი; რომლის ერთ პოლუსზეა ე.წ. “რუსკი მირი”, ხოლო მეორეზე – ქართველი მედასავლეთეები. ესაა დაპირისპირება მოძალადესა და მსხვერპლს შორის.

ისმის კითხვა: როგორ უნდა მოხდეს შეთანხმება შენსა და შენი განადგურების მსურველს შორის? ან რაზე? როგორ უნდა მოხდეს ევროპული იდეის ირგვლივ გაერთიანება იმ დაჯგუფებასთან, ვისაც ამ იდეის არათუ არ სჯერა, არათუ ამ იდეის წინააღმდეგია, არამედ ღიად და აგრესიულად ეწევა ამ იდეის საბოტირებას, როგორც იანუკოვიჩი 2014 წელს?
ქართული ოცნება არის არსებითად რუსული ძალა და ივანიშვილის modus operandi არის აბსოლუტურად რუსული. მას არ ესმის მოლაპარაკება და შეთანხმების დაცვა; მასზე არ ჭრის დაყვავება და კომპრომისი. ის, ამ ყველაფერს, სისუსტედ აღიქვამს, როგორც სხვა ნებისმიერი რუსი.

თავად შიშის მთესველი, საკუთარ გადაწყვეტილებებსაც ერთადერთი ინსტიქტის კარნახით იღებს – ესაა შიში და ამიტომ, მას, როგორც ნებისმიერ სხვა რუსს, ძალის პოზიციიდან უნდა ელაპარაკო.

ასე რომ, გამბედაობა და უშიშრობა გვმართებს!

ჩვენი ისტორიული კომპასი მხოლოდ დასავლეთს აჩვენებს და არავითარი გადახვევა არ დაიშვება! ნებისმიერი წინაღობა ამ გზაზე, “რუსკი კარაბლის” გზას უნდა გავუყენოთ!
მივმართავ თხოვნით საერთაშორისო თანამეგობრობას: საქართველოს დღევანდელი ხელისუფლება, რუსეთიდან მართული არაქართული ძალაა! ქართული ძალა კი ვართ ჩვენ, უძველესი ევროპელები - საქართველოს ხალხი! ჩვენ არ ვიმსახურებთ ამ ხელისუფლებას და ამ შეცდომას აუცილებლად და უსწრაფესად გამოვასწორებთ! მაგრამ ჩვენ ვიმსახურებთ დაბრუნებას ჩვენს ისტორიულ წიაღში, დასავლურ ოჯახში და ეს შესაძლებლობის ფანჯარა არ უნდა დაგვეხუროს! ეს არის ყველა ქართველი პატრიოტის ნატვრა დღესაც და საუკუნეების განმავლობაშიც, და ეს არის საქართველოს ნათელი მომავლის ერთადერთი და უალტერნატივო გზა!” – წერს ნიკა გვარამია.
სარეკლამო ადგილი - 11
650 x 60
ზაალ ანჯაფარიძე: არავინ შეიყვანოს შეცდომაში დღევანდელი აქციის ლამაზად შეფუთულმა ლოზუნგებმა „არაძალადობრივი,“ „შინ ევროპისკენ“ „ეროვნული თანხმობის მთავრობა“ და ა.შ. სინამდვილეში ყველაფერი, სწორედ პირიქით არის
რატი იონათამიშვილი: ანრის და სხვების ოჯახების მიმართ მუქარა და ამაზრზენი პროვოკაცია რომ გადაფარონ, ახალ, „საღადაო" ფეიკებს იგონებენ, თემის გადასაფარად, თუმცა, ეგაა ნაცის ბუნება
გია აბაშიძე: რადიო „თავისუფლების“ მორიგი ,,ნაცმოძური“ ანუ ანტიქართული გამოხტომა. თუმცა, როცა საზოგადოების უდიდესი აღშფოთება და ლანძღვა-გინება მიიღეს, შეცვალეს სათაურზე მინაწერი
დავით ქართველიშვილი რადიო თავისუფლებაზე: უკრაინის ნაკრების მწვრთნელის უხამს საქციელს, ამ ე.წ. მედიასაშუალებამ ისეთი ამაზრზენი სარჩული მიაკერა, სადაც ჩვენთვის ნაცნობი პოლიტიკური შეფასება იკითხებოდა: რა "უსამართლოდ" ექცევა საქართველო ომში მყოფ უკრაინას უკვე სპორტის სფეროშიც კი
ამაზე დიდი მტრობა საკუთარი ქვეყნის რა უნდა იყოს, როცა საქართველოს წარუმატებლობა გიხარია. მიშას არცერთ ტელევიზიას, არ გაუშუქებია უკრაინის ნაკრების მწვრთნელის უბინძურესი საქციელი
არქივი