სარეკლამო ადგილი - 1
976 x 90
თამარ ჩიბურდანიძე: მინდა „დავამშვიდო“ ხატია დეკანოიძე და ვუთხრა, რომ ბიძინა ივანიშვილს ჯერ არც ერთი ბრძოლა არ წაუგია და თუკი ისინი „ხალხის ძალას“ მის მიერ დაფუძნებულად თვლიან, მაშინ სწორად უგრძნიათ მათთვის მოახლოებული საშიშროება
სარეკლამო ადგილი - 10
650 x 60
362 21 აგვისტო 2023, 18:04
უპრეცედენტო იყო ჩვენი მოძრაობის დაფუძნება ქართულ პოლიტიკაში. მოულოდნელი მეხის გავარდნა იყო ბევრისთვის, ვინც ცდილობდა ქართველი ხალხის მოტყუებას, გამანადგურებელ ომში ქვეყნის შეთრევასა და სიყალბის სიმართლედ გასაღებას“, - ამის შესახებ „ხალხის ძალის“ წევრმა, თამარ ჩიბურდანიძემ, სოციალურ ქსელში დაწერა.

მისი თქმით, ოპოზიციამ აშკარად გაიაზრა, რომ „ხალხის ძალა“ მათი ღირსეული მეტოქეა, თუმცა აქვე დასძენს, რომ ამ მოძრაობას ჯერ მუშაობა არ დაუწყია და მათი საქმიანობა ბოლო ერთი წლის განმავლობაში მხოლოდ პროლოგი იყო.

„მესმის და ვიზიარებ ოპოზიციის წუხილს „ხალხის ძალის“ სამართლიანი მოთხოვნის გამო, რომ ამერიკის მსგავსად საქართველოშიც კანონიერი პასუხი გაეცეთ არჩევნების გამყალბებლებს. ეს აუცილებლად მოხდება, როგორც არ უნდა შეშფოთდეს თუ აღშფოთდეს ჩვენი ოპოზიცია თავისი უცხოელი ლობისტებით. ამით კი დაზღვეული იქნება მოახლოებული არჩევნები გაყალბებისგან, რისთვის მზადებაც უკვე დაწყებულია ოპოზიციასა და მათ ენჯეოებში.  

რაც შეეხება ხატია დეკანოიძის მხრიდან „ხალხის ძალის“ შეფასებას, მის ადგილას უფრო დაკვირვებული ვიქნებოდი, რადგან მის სიტყვებში აშკარად იკვეთება შიში იმ მოსალოდნელ რეალობაზე, რასაც  მოახლოებულ არჩევნებზე მიიღებენ სწორედ „ხალხის ძალისა“ და „ქართული ოცნების“ მხარდაჭერის შედეგად.  ჩვენი მოძრაობა იმისთვის შეიქმნა, რომ მათთვის მწარე სიმართლე, ხალხისთვის კი აუცილებელი რეალობა გამოააშკარაოს. ბუნებრივია, ეს მტკივნეულია ისედაც სახედაკარგული ოპოზიციისთვის. „ხალხის ძალის“ ატანა მათთვის ნამდვილად ძნელია. 

უპრეცედენტო იყო ჩვენი მოძრაობის დაფუძნება ქართულ პოლიტიკაში. მოულოდნელი მეხის გავარდნა იყო ბევრისთვის, ვინც ცდილობდა ქართველი ხალხის მოტყუებას, გამანადგურებელ ომში ქვეყნის შეთრევასა და სიყალბის სიმართლედ გასაღებას.

რაც შეეხება „ხალხის ძალის“ ერთწლიან მოღვაწეობას, თუნდაც იმ ერთი ამერიკული კანონით, რომელიც თავად ამერიკის ელჩმა დიდი შანტაჟით ჩააგდო საქართველოში, ჩვენ დიდი საქმე გავაკეთეთ. ეს იყო უპრეცედენტო შემთხვევა, როდესაც მიუღებელმა კანონმა მიღებულ კანონზე მეტი გააკეთა. 

მინდა „დავამშვიდო“ ხატია დეკანოიძე და ვუთხრა, რომ ბიძინა ივანიშვილს ჯერ არც ერთი ბრძოლა არ წაუგია და თუკი ისინი „ხალხის ძალს“ მის მიერ დაფუძნებულად თვლიან, მაშინ სწორად უგრძნიათ მათთვის მოახლოებული საშიშროება, ქვეყნისთვის კი კიდევ ერთი დიდი გადარჩენა. 

როგორც ჩანს, ოპოზიციამ არ იცის, რომ „ხალხის ძალას“  ჯერ არ დაუწყია მუშაობა, ეს მხოლოდ პროლოგი იყო“, - წერს თამარ ჩიბურდანიძე.
სარეკლამო ადგილი - 11
650 x 60
დავით ქართველიშვილი ჟურნალ Compact-ის დახურვაზე: განხორციელდა ოპერაცია „იმედი-2007“-ის გერმანული, უფრო სწორად, ლიბერალ-ფაშისტური ვარიანტი
რატი ბრეგაძე - მოშიმშილე პატიმრების რაოდენობის შესახებ ვრცელდება დეზინფორმაცია, რომელიც მიზნად ისახავს საზოგადოების შეცდომაში შეყვანას
დავით ქართველიშვილი უნგრეთის თავმჯდომარეობაზე ევროკომისიის ბოიკოტის შესახებ: ეს არის ლიბერალური ფაშიზმის დაუფარავ თავდასხმაში გადასვლის მცდელობა
იოანე შაიშმელაშვილი: ევროკავშირის წარმომადგენლობის მიერ NGO-ებთან დაკავშირებით გამოქვეყნებული მცირე ინფორმაციით ვერ გადაიფარება ის კითხვები, რაც „რადიკალური“ სექტორის დაფინანსებასთან დაკავშირებით არსებობს
დავით ჩიხელიძე პრეზიდენტის სარჩელზე გამჭვირვალობის კანონის გაუქმებასთან დაკავშირებით: სალომე ზურაბიშვილი არის პრეზიდენტი, რომელმაც საკუთარი ქვეყნის კონსტიტუცია არაერთგზის დაარღვია, ასევე, პირველი პრეზიდენტია, რომელიც გამჭვირვალობაზე ამბობს, რომ უკანონოა
არქივი