73
04 მარტი 2025, 17:03
2025 წლისთვის, ტრანსკასპიური საერთაშორისო სატრანსპორტო მარშრუტის ასოციაციის (TITR) საწევრო გადასახადი განისაზღვრა. ფასები გასულ წელთან შედარებით, არ შეცვლილა.
აზერბაიჯანული მედიის ცნობით, ასოციაციაში გაწევრიანების ერთჯერადი საფასური იქნება: $20,000 მუდმივი წევრებისთვის; $10000 ასოცირებული წევრებისთვის; $10,000 - ინდივიდუალური წევრებისთვის.
წლიური საწევრო გადასახადი სტრუქტურირებულია შემდეგნაირად: $70,000 მუდმივი წევრებისთვის; $22,480 ასოცირებული წევრებისთვის; $17,984 ინდივიდუალური წევრებისთვის.
აზერბაიჯანული მედია წერს, რომ 2025 წლის ბიუჯეტი დამტკიცებულია. შესაბამისად, ასოციაციის წლევანდელი პროგნოზირებული შემოსავალი 1,2 მლნ აშშ დოლარს აღწევს. $560,000 შედგება მუდმივი საწევრო შენატანებისგან, 359,680 ასოცირებული წევრების საწევრო შენატანებისგან, $147,189 დებიტორული ანგარიშებიდან და $134,090 ფულადი სახსრებიდან.
საანგარიშო პერიოდში დაგეგმილია ადმინისტრაციული ხარჯებისთვის - $797,202, მარკეტინგის ხარჯებისთვის - $167,160, წარმომადგენლობითი ხარჯებისთვის - $121,261, მივლინების ხარჯებისთვის - $115,336 $.
TITR ასოციაცია, რომელიც ყაზახეთში მდებარეობს, 2017 წელს დაარსდა. ის ტრანსკასპიის საერთაშორისო სატრანსპორტო მარშრუტის გასწვრივ, სატვირთო ტრანსპორტის კოორდინაციაში გადამწყვეტ როლს ასრულებს.
ასოციაციის ძირითადი მუდმივი წევრები არიან აზერბაიჯანის რკინიგზა CJSC, აზერბაიჯანის კასპიის გადაზიდვის კომპანია, აქტაუს საერთაშორისო საზღვაო სავაჭრო პორტი (ყაზახეთი), ბაქოს საერთაშორისო საზღვაო სავაჭრო პორტი CJSC, საქართველოს რკინიგზა სს, TCDD Transportation JSC (Türkiye), Ukrzaliznytsia JSC (უკრაინა) და სხვები.
სავაჭრო გზა - შუა დერეფანი ჩინეთს ევროპასთან ყაზახეთის, კასპიის ზღვის, აზერბაიჯანისა და საქართველოს გავლით აკავშირებს
| სარეკლამო ადგილი - 11 650 x 60 |
