ეკონომიკის სამინისტროს შეთავაზება ბიზნესს
სარეკლამო ადგილი - 10
650 x 60
1069 30 იანვარი 2020, 10:32

ეკონომიკისა და მდგრადი განვითარების სამინისტრო ახლო მომავალში სასარგებლო წიაღისეულის რესურსების პრივატიზების მიზნით ბიზნესს 100 ახალ პროექტს შესთავაზებს, –  ამის შესახებ პრემიერ-მინისტრმა, გიორგი გახარიამ მთავრობის სხდომაზე განაცხადა.

მისი თქმით, სასარგებლო წიაღისეულთან დაკავშირებით იგივე მიდგომა გატარდება, როგორც პროექტის „100 საინვესტიციო შეთავაზება ბიზნესს“ შემთხვევაში.

როგორც გიორგი გახარიამ აღნიშნა, ბუნებრივი რესურსების ეფექტიანად მართვა მთავრობის ერთ-ერთი პრიორიტეტია.

„ეკონომიკის სამინისტროში დაიბადა ძალზე კარგი, ახალი იდეა. ეს არის სასარგებლო წიაღისეულთან დაკავშირებით იგივე მიდგომა, როგორც 100 დამატებითი საინვესტიციო პროექტის შეთავაზება ბიზნესისთვის. ბუნებრივი რესურსების მართვა  ჩვენი ერთ-ერთი პრიორიტეტია. ბუნებრივი რესურსების მართვის მიმართულებით დღეს სახელმწიფო ახორციელებს რამდენიმე ძალზე სერიოზულ რეფორმას, რომლის ძირითადი მიზანია სასარგებლო წიაღისეულის ეფექტიანი მართვა და ასევე ეკოლოგიური სტანდარტების შესაბამისი დაცვა. სწორედ ამ კრიტერიუმების გათვალისწინებით, ეკონომიკის სამინისტრო უახლოეს პერიოდში გამოიტანს 100 დამატებით პროექტს, რომელიც ნიშნავს სასარგებლო წიაღისეულის რესურსების პრივატიზებას, ბიზნესისთვის შეთავაზებას. ეს მისცემს საშუალებას ქვეყნის ეკონომიკას, უახლოესი წლების განმავლობაში დამატებით დაახლოებით 120 მილიონი ინვესტირების ბაზისი შექმნას“, – განაცხადა გიორგი გახარიამ.

მისი შეფასებით, ეს ძალიან მნიშვნელოვანია. როგორც პრემიერმა აღნიშნა, ყველა რესურსი ეფექტიანად უნდა ჩაეშვას ეკონომიკაში.

„ჩვენი ძირითადი ამოცანა არის ყველა რესურსი, რომელიც დღეს არაეფქტიანად არის გადანაწილებული სხვადასხვა სახელმწიფო ორგანოში ან საერთოდ არ არის იდენტიფიცირებული, იყოს იდენტიფიცირებული და მაქსიმალურად ეფექტიანად ჩაეშვას ეკონომიკაში, მოხდეს მისი პრივატიზება“, – განაცხადა გიორგი გახარიამ.

სარეკლამო ადგილი - 11
650 x 60
ეროვნულმა ბანკმა წლის დასაწყისიდან საერთაშორისო სავალუტო რეზერვები 613.5 მლნ აშშ დოლარით გაზარდა
სავალუტო ფონდი: პოზიტიური ნიშანია, რომ ბოლო თვეების განმავლობაში ეროვნულმა ბანკმა მნიშვნელოვანი შესყიდვები განახორციელა და საერთაშორისო რეზერვები შეავსო
პრემიერ-მინისტრი ირაკლი კობახიძე საერთაშორისო სავალუტო ფონდის მისიის ხელმძღვანელს და აღმასრულებელ დირექტორს შეხვდა
„ხალხის ძალას“ ფინანსთა მინისტრის პირველმა მოადგილემ სახელმწიფო ბიუჯეტის შესრულების ანგარიში წარუდგინა
Fitch Ratings-მა მორიგი ეკონომიკური დეზინფორმაცია/მითი გააქარწყლა და საქართველოს სუვერენული საკრედიტო რეიტინგი კვლავ “BB” დონეზე დაადასტურა, 2025 წლის ეკონომიკური ზრდის მაჩვენებელს კი 5.6 პროცენტამდე ზრდის
არქივი