347
03 ივლისი 2022, 22:34
გვჭირდება სამი ათასი ადამიანი. არც მეტი, არც ნაკლები, ზუსტად სამი ათასი ადამიანი, რომლებსაც გავუძღვებით და მივალთ "ქართული ოცნების" ცენტრალურ ოფისთან, - განაცხადა მიხეილ სააკაშვილის ადვოკატმა, არასამთავრობო ორგანიზაციის წარმომადგენელმა, რუსთაველზე მიმდინარე აქციის ერთ-ერთმა ორგანიზატორმა გიორგი მშვენიერაძემ.
"დანარჩენები ვრჩებით აქ. იქნება პირველი დამოუკიდებელი კერა, სადაც იქნება არაძალადობრივი, მაგრამ მკაცრი აქცია. თუ ხელისუფლება მომდევნო წუთების განმავლობაში არ გადადგამს ნაბიჯებს უკან, ბევრი ასეთი კერა გაჩნდება. მე რომ აქ აღარ ვიქნები, დანარჩენს ჩემი თანამებრძოლები გეტყვიან. ჩვენი იქ მისვლა უნდა იყოს არაძალადობრივი. ძალადობა აწყობს ხელისუფლებას", - განაცხადა მშვენიერაძემ.
ამ დროისთვის, რუსთაველზე მიმდინარე აქციიდან გამოიყო აქციის მონაწილეთა გარკვეული რაოდენობა და მომიტინგეები მიემართებიან "ქართული ოცნების" ოფისთან.
გიორგი მშვენიერაძის განცხადებით, "ქართული ოცნების" ოფისთან გაიმართება მკაცრი, მაგრამ არაძალადობრივი მიტინგი, რის შემდეგაც დაბრუნდებიან რუსთაველზე, სადაც ღამის გათენებას აპირებენ, ხოლო დილით პრემიერ-მინისტრ ირაკლი ღარიბაშვილს დახვდებიან სამსახურთან.
| სარეკლამო ადგილი - 11 650 x 60 |
