"მამუკა ხაზარაძემ გადაწყვიტა ეთაღლითა ტენდერის მოსაგებად, რომლის შესრულების შანსი არ არსებობდა - იმ იმედით, რომ შემდეგ მთავრობა პირობებს შეუცვლიდა", - სოზარ სუბარი
სარეკლამო ადგილი - 10
650 x 60
446 15 ოქტომბერი 2019, 23:04

პრემიერ-მინისტრის მრჩეველმა რეგიონულ საკითხებში სოზარ სუბარმა გადაცემაში „360 გრადუსი“ანაკლიის პორტის პროექტსა და ანაკლიის კონსორციუმზე ისაუბრა. ამ კონტექსტში მან კონსორციუმის ვალდებულებებზე ისაუბრა: 

„კონსორციუმს ჰქონდა ვალდებულება მოეყვანა ინვესტორები. ვერ მოიყვანა. არაერთხელ გადავიდა ამის ვადა. მეორე, მათ გააკეთეს განცხადება, რომ ჰყავთ ინვესტორი, რომელზეც მათ შორის, ოპოზიციური პარტიების მხრიდან დაიდო არაერთი მასალა, რომ ეს არის ყაზახური კომპანია, რომელიც პირდაპირ არის დაკავშირებული კრემლის ინტერესებთან, „გაზპრომთან“, თუ ვიღაცასთან. არ ვიცი, ეს რამდენად მართალია, თუმცა ცხადია ეს შესწავლადია.

მთავარი ის, არის, რომ დღემდე კონსორციუმი ამბობდა, რომ მთავარი ინტერესი ამ შემთხვევაში, არის ის, რომ სწორედ ამერიკული მხარე არის შემოყვანილი.

თითქოს სწორედ ამიტომ მოხდა ის, რომ თავის დროზე ბატონმა ხაზარაძემ პარლამენტში კომიტეტის მოსმენების დროს, პირდაპირ გააკეთა განცხადება, რომელიც მეგონა, რომ ექსპერტების და ჟურნალისტების მხრიდან ძალიან დიდი დაინტერესების საგანი გახდებოდა და დიდი დარტყმები წამოვიდოდა ჩვენზე ხელისუფლებაზე, რომ რატომ მოაწერეთ ხელი ასეთ ხელშეკრულებას. მან თქვა, რომ იცით, კონსორციუმმა ძალიან კარგად იცოდა, რომ ისეთი ტენდერი იყო გამოცხადებული, რომლის შესრულება შეუძლებელი იყო, მაგრამ მასში მონაწილეობა მე მაინც იმისთვის მივიღე, რომ გამემარჯვებინა. სხვებმა ვერ მიიღეს მონაწილეობა იმიტომ, რომ იცოდნენ, შესრულება შეუძლებელი იყო. დარწმუნებული ვიყავი, რომ ამის შემდეგ შევიცვლიდი პირობებსო. ეს ძალიან სერიოზული აღიარებაა, რომელიც მინიმუმ, სერიოზულ ანალიზს მაინც საჭიროებს, თუ მეტს არა“, - განაცხადა სოზარ სუბარმა

სარეკლამო ადგილი - 11
650 x 60
დუშეთის მუნიციპალიტეტში სოფელ ახატანის წყალმომარაგებისთვის სისტემის მშენებლობა მიმდინარეობს
ნათია თურნავა - „ნამახვანჰესთან“ დაკავშირებით განიხილება, როგორც პროექტის გაგრძელება ENKA Renewables-ის მიერ, ასევე მათი პროექტიდან გასვლა გარკვეული პირობებით
ნათია თურნავა - ეკონომიკისა და მდგრადი განვითარების სამინისტრომ რამდენიმე მილიარდი დოლარის ღირებულების ახალი საინვესტიციო პაკეტი და პროექტი მოამზადა
"თუ შევხედავთ მსოფლიოში ინფლაციის დონეს, ყველგან იზრდება, მაგრამ ჩვენი მოსახლეობისთვის ეს მეტად მტკივნეულია, ამაზე ყოველთვის ვსაუბრობთ და არ გავურბივართ"
საქართველოს უპრეცედენტო ეკონომიკური ზრდა აღდგენამდე მიმავალ პოსტ-პანდემიურ გზაზე
არქივი