ადგილობრივი წარმოების პირბადეები რამდენიმე დღეში გამოვა ბაზარზე
სარეკლამო ადგილი - 10
650 x 60
796 03 აპრილი 2020, 14:42

"აწარმოე საქართველოს" ფარგლებში საქართველოში ორი კვირის წინ დაიწყო ადგილობრივი პირბადეების წარმოება, რომელიც რამდენიმე დღეში გამოჩნდება ბაზარზე. პირბადეების ადგილობრივი წარმოების პროგრამაში ჩართულია რამდენიმე მსხვილი და მცირე სამკერვალო.

„ეს არ არის მარტივი, რადგან დოლბანდი, რომელსაც ვიყენებთ პირბადეების დამზადებისთვის, არ იწარმოება საქართველოში, შემოსატანი ნედლეულია და ქვეყნებს აქვთ გარკვეული შეზღუდვები დაწესებული, მაგრამ ჩვენი დიპლომატიური კორპუსის დახმარებით, უზრუნველვყავით უკვე მეტნაკლებად სტაბილური მიწოდება. უკვე შეგვიძლია ვთქვათ, რომ შემდეგი კვირიდან მაქსიმალურად ვეცდებით, რომ პირბადეები გამოჩნდეს სააფთიაქო ქსელებში, ჩვეულებრივ გაყიდვაში“, – განაცხადა თურნავამ.

მისი თქმით, სამედიცინო ნიღბების ფასი ხელმისაწვდომი იქნება.

„ვინაიდან ეს არის სახელმწიფოს და ვიტყოდი, სახალხო პროექტი, ფასი იქნება ხელმისაწვდომი, რაოდენობას რაც შეეხება, რა საკვირველია, ვცდილობთ, მაქსიმალურად გავზარდოთ, მაგრამ ეს დაკავშირებულია ნედლეულის მოწოდებაზე და შეიძლება, პირველ ეტაპზე სრულად ვერ დავაკმაყოფილოთ მოთხოვნები, მაგრამ მიხარია, რომ სხვა წარმოებებიც ამუშავდნენ და პირბადეები იკერება არა მხოლოდ ჩვენი პროგრამის ფარგლებში. აქედან გამომდინარე, ჩვენ მაქსიმალურად ყველაფერს ვაკეთებთ, რათა დეფიციტი დავამარცხოთ“, – აცხადებს თურნავა.

ამასთან, მისი თქმით, სახელმწიფოს დახმარებით სხვადასხვა დანიშნულების სამედიცინო დამცავი საშუალებებიც მზადდება.

„დღეს მივდივარ ერთ-ერთ ქართულ საწარმოში, რომელიც „აწარმოე საქართველოში” პროგრამის დახმარებით, აფართოებს სამედიცინო ხალათებისა და დამცავი სკაფანდრების კერვას. ეს არის მისაბაძი მაგალითი, ყველა ასეთ წარმოებას გვერდით დგომას ვთავაზობთ”, – განაცხადა ნათია თურნავამ.

სარეკლამო ადგილი - 11
650 x 60
საქართველოს ეროვნული ბანკი ევრო 2024-ის საკოლექციო მონეტას გამოუშვებს
ჯო ბაიდენმა კონგრესს მიმართა - მოგიწოდებთ, სასწრაფოდ გამომიგზავნოთ ეროვნული უსაფრთხოების კანონპროექტი ხელმოწერისთვის, რომელიც უკრაინისა და ისრაელის დაფინანსებას მოიცავს
საბერძნეთის პარლამენტმა მიიღო განათლების შესახებ კანონი, რომელიც უცხოურ კერძო უნივერსიტეტებს საშუალებას აძლევს, საბერძნეთში ფილიალები გახსნან
გია ვოლსკი - კანონის აღსრულებას და საქართველოს, როგორც პარტნიორ ქვეყანას როცა ეხება საქმე, ბუნდესტაგში ადეიშვილის ყოფნა უნდა მივიჩნიოთ უპატივცემულობად, დიპლომატიური ეთიკის დარღვევად
ჯორჯია მელონი: „ჰამასი“ ისრაელს არ დაესხმებოდა თავს, მანამდე რუსეთი უკრაინაში რომ არ შეჭრილიყო
არქივი