საქართველოს ძიუდოისტთა ნაკრებმა ევროპის ღია პირველობაზე გუნდური პირველი ადგილი დაიკავა
სარეკლამო ადგილი - 10
650 x 60
307 05 სექტემბერი 2022, 08:26

საქართველოს ძიუდოისტთა ნაკრებმა ევროპის ღია პირველობაზე მოპოვებული 2 ოქროს და 2 ბრინჯაოს მედლით გუნდური პირველი ადგილი დაიკავა. ინფორმაციას ეროვნული ოლიმპიური კომიტეტი ავრცელებს.

"ავსტრიის ობერვარტში ძიუდოისტთა ევროპის ღია პირველობაზე საქართველოს ნაკრებმა 2 ოქროს და 2 ბრინჯაოს მედალი მოიპოვა და კაცთა საერთო ჩათვლაში პირველი ადგილი დაიკავა.

ჩვენი გუნდის წარმატებაში მნიშვნელოვანი წვლილი შეიტანა ოლიმპიურმა ჩემპიონმა ლაშა ბექაურმა (- 90 კგ), რომელმაც ასპარეზობა ოქროს მედლით დაასრულა.
მომავალი მედალოსანი ასპარეზობაში მეორე წრიდან ჩაება. პირველ შეხვედრაში იპონით მოუგო მონტენეგროელ ნოვო რაიჩევიჩს. ასევე წმინდა გამარჯვება მოიპოვა უნგრელ როლანდ გოზთან და ნახევარფინალში ავსტრიის სახელით მოასპარეზე შამილ ბორჩაშვილს დაუპირისპირდა. ბექაურმა აქაც იპონით გაიმარჯვა და ფინალში ასპარეზობის უფლებაც მოიპოვა. გადამწყვეტ შეხვედრაში ბექაურს ასევე ავსტრიის სახელით მოასპარეზე შამილის ძმასთან, ვახიდ ბორჩაშვილთან მოუწია ურთიერთობის გარკვევა და აქაც წარმატებას მიაღწია.

ასევე საუკეთესო შედეგი ჰქონდა ვლადიმერ ახალკაცსაც (-81 კგ). ფინალამდე ოთხი ორთაბრძოლა ჩაატარა. დაამარცხა ავსტრიელი, შვეიცარიელი, ბრიტანელი და სლოვაკი მოწინააღმდეგეები, გადამწყვეტ შეხვედრაში კი ფრანგ ნიკოლა ჩილარის ოქროს ქულით მოუგო და საქართველოს ჰიმნიც ააჟღერა.
ბრინჯაოს მედლები მოიპოვეს გიორგი თუთაშვილმა (-66 კგ) და გიორგი ბერიაშვილმა (-100 კგ)," - ნათქვამია ეროვნული ოლიმპიური კომიტეტის ინფორმაციაში.
სარეკლამო ადგილი - 11
650 x 60
ანასტასია მეტელკინას და ლუკა ბერულავას სპორტულმა წყვილმა იუნიორთა გრან პრის სერიათა ფინალში ჩემპიონობა იზეიმა
მკაცრად ვგმობთ საერთაშორისო ოლიმპიური კომიტეტის აღმასკომის წევრთა უპასუხისმგებლო გადაწყვეტილებას
რუსი და ბელარუსი სპორტსმენები პარიზის ოლიმპიადაზე ნეიტრალური სტატუსით გამოვლენ
თამარ ჩიბურდანიძე: მაქვს ინფორმაცია, რომ ეს კანონპროექტი რამდენიმე თვეა შეტანილია ევროპარლამენტში და არ იყო გასაჯაროებული, იმიტომ, რომ იგივე კანონპროექტის გამო ლამის ქვეყანა დაგვამხვეს თავზე
საქართველოს ეროვნული ოლიმპიური კომიტეტის აღმასკომი ჭიდაობის ფედერაციაში მომხდარ ინციდენტთან დაკავშირებით განცხადებას ავრცელებს
არქივი