ოლაფ შოლცი აცხადებს, რომ გერმანიას ზელიმხან ხანგოშვილის მკვლელობისთვის მსჯავრდებული ვადიმ კრასიკოვის რუსეთისთვის გადაცემის გადაწყვეტილება მარტივად არ მიუღია
სარეკლამო ადგილი - 10
650 x 60
71 02 აგვისტო 2024, 08:21

გერმანიის კანცლერი ოლაფ შოლცი აცხადებს, რომ გერმანიას ზელიმხან ხანგოშვილის მკვლელობისთვის მსჯავრდებული ვადიმ კრასიკოვის რუსეთისთვის გადაცემის გადაწყვეტილება მარტივად არ მიუღია. ამის შესახებ შოლცმა კიოლნი-ბონის აეროპორტში განაცხადა, სადაც პატიმრების გაცვლის შედეგად გათავისუფლებული მოქალაქეების დასახვედრად მივიდა.

მისი თქმით, გერმანიას მკვლელობისთვის სამუდამო პატიმრობამისჯილი პირის დაპატიმრებიდან რამდენიმე წელში დეპორტაციის გადაწყვეტილება მარტივად არ მიუღია.

„მათი გათავისუფლება შესაძლებელი გახდა მხოლოდ მას შემდეგ, რაც სადაზვერვო სამსახურის წარსულის მქონე რუსეთის მოქალაქეები, რომლებიც დაპატიმრებულები იყვნენ ევროპაში, გადაეცნენ რუსეთს. მათ შორის ასევე იყო ვადიმ კრასიკოვი, რომელსაც 2022 წლის ბოლოს ბერლინის სასამართლომ სამუდამო პატიმრობა მიუსჯა 2010 წლის აგვისტოში ბერლინში ჩეჩნური წარმოშობის საქართველოს მოქალაქის მკვლელობისთვის… მისი სასჯელის აღსრულების სახელმწიფო ინტერესი უნდა შეფარდებულიყო რუსეთის ციხეში მყოფი უდანაშაულო ადამიანებისა და პოლიტიკური პატიმრების ჯანმრთელობისა და, ზოგ შემთხვევაში, სიცოცხლისთვის არსებულ საფრთხესთან“, – განაცხადა შოლცმა.

გერმანიის ლიდერის თქმით, რუსეთში უკანონოდ დაპატიმრებული პირების გათავისუფლება შესაძლებელი გახდა აშშ-ისა და ევროპელი პარტნიორების მჭიდრო თანამშრომლობისა და რუსულ მხარესთან თვეების განმავლობაში კონფიდენციალური მოლაპარაკებების შედეგად.

პატიმრების მასშტაბური გაცვლის შედეგად რუსეთმა და ბელარუსმა დასავლეთის ქვეყნებს გადასცეს 16 ადამიანი, რუსეთში კი დასავლეთის ქვეყნებში დაპატიმრებული რვა მოქალაქე დაბრუნდა, მათ შორის ვადიმ კრასიკოვი, რომელიც გერმანიაში საქართველოს მოქალაქის, ზელიმხან ხანგოშვილის მკვლელობისთვის იყო მსჯავრდებული.

სარეკლამო ადგილი - 11
650 x 60
შალვა პაპუაშვილი - ევროკავშირის ელჩი რაც უფრო მეტად ჩაიხუტებს გულში ემოციურად დაზიანებულ ტიტუშკებს, მით უფრო მეტად გააიგივებს ბრიუსელს სიძულვილთან და ძალადობასთან
საქართველოს პრეზიდენტი მიხეილ ყაველაშვილი რომში ჩავიდა და 18 მაისს ვატიკანში ახალი რომის პაპის, ლეო XIV-ის ინაუგურაციას დაესწრება
მეუფე შიო: ოჯახი არის დიდი სკოლა სიყვარულის, თავგანწირვის, სადაც ერთმანეთისთვის ლოცვით, მოთმინებით, ურთიერთ სიმძიმის ტვირთვით, ჩვენ ვსწავლობთ სიყვარულს, ვიზრდებით სულიერებაში და სულს ვიცხონებთ
დღეს საქართველოში ოჯახის სიწმინდისა და მშობლების პატივისცემის დღე აღინიშნება
კირ სტარმერი - ევროპელი ლიდერები და უკრაინის პრეზიდენტი თანხმდებიან, რომ რუსეთის პოზიცია სამშვიდობო მოლაპარაკებებში მიუღებელია
არქივი