შსს-მ 27 წლის "კანონიერი ქურდი" რევაზ უბილავა დააკავა. შსს-ს ცენტრალური კრიმინალური პოლიციის და სამეგრელო ზემო სვანეთის პოლიციის დეპარტამენტის თანამშრომლებმა, „კანონიერი ქურდობის“ ბრალდებით, 1993 წელს დაბადებული ე.წ. კანონიერი ქურდი რ.უ. – მეტსახელად „რეზიკო ჯვარსკი“ წალენჯიხის მუნიციპალიტეტში დააკავეს. 

შსს-ს ცნობით, დანაშაული 9-დან 15 წლამდე ვადით თავისუფლების აღკვეთას ითვალისწინებს.

„გამოძიებით დადგინდა, რომ ბრალდებული ოკუპირებული აფხაზეთის ტერიტორიიდან სამეგრელოს რეგიონში შემოვიდა.

გამოძიების ინფორმაციითვე, რ.უ. წლების განმავლობაში საქართველოს ფარგლებს გარეთ იმყოფებოდა, დანაშაულებრივ საქმიანობას ეწეოდა, რის გამოც, არაერთხელ იყო დაკავებული სხვადასხვა ქვეყნების სამართალდამცავი უწყებების მიერ.

გამოძიება „კანონიერი ქურდობის“ ფაქტზე, საქართველოს სსკ-ს 223-ე პრიმა მუხლის მე-2 ნაწილით მიმდინარეობს“, – აცხადებენ შსს-ში.

რეზო უბილავა „კანონიერ ქურდად“ 21 წლის ასაკში  „აკურთხეს“, ის „ქურდული სამყაროს“ ყველაზე ახალგაზრდა წევრი გახდა. მან ეს „წოდება“ 2013 წელს მომხდარი ინციდენტის გამო დაიმსახურა, როდესაც მეგობრების გამო "კანონიერ ქურდთან" არა არმავირსკისთან შეტაკბა მოუვიდა და დაშავდა.