ნურავის ექნება იმედი, რომ ბიძინა ივანიშვილი და მისი გუნდი, რაც არ უნდა მოხდეს, ქვეყნისთვის საზიანო გადაწყვეტილებას მიიღებს. როგორ ჰგონიათ მავანთ რა ზეწოლაც არ უნდა განახორციელონ, ივანიშვილის მხარდამჭერთა რიცხვი შემცირდება? პირიქით მოხდება, რადგან მის მშვიდობის და შენების პოლიტიკას უმრავლესობის მხარდაჭერა აქვს და სანქციებით შანტაჟი კიდევ უფრო გაამყარებს მის მხარდაჭერას, - წერს ექსპერტი ნინო ფოჩხუა სოციალურ ქსელში.
მისივე თქმით, თუ აშშ მართლა ფორმალურად გააფორმებს სანქციებს, ეს უკვე ნამდვილად იქნება 26 ოქტომბრის არჩევნებში ჩარევა, ეს კი საბოლოოდ დაასრულებს საქართველოსთან ამდენწლიან ურთიერთობას.
„ნუთუ ამდენწლიანი ურთიერთობა არ იყო საკმარისი იმისთვის, რომ სტრატეგიულ პარტნიორებს კარგად შეესწავლათ ქართველი კაცის ბუნება. რაღაც არ მახსენდება შიმშილს და გაჭირვებას ადამიანები გარეთ გამოეყვანა. ერთადერთი რასაც ქართველი ვერ ეგუება, ეს არის უსამართლობა და უსამართლოდ ჩაგვრა.
ასე მოხდება ახლაც თუ გაბედეს და დაუმსახურებელი სანქციები დაუწესეს ერის კაცს, ბიძინა ივანიშვილს. (არაოფიციალურად ისედაც დასანქცირებულია) სტრატეგიულმა პარტნიორებმა ვერც ბიძინა ივანიშვილი გაიცნეს. ამხელა უპრეცედენტო ზეწოლის მიუხედავად, მას აზრი ვერ შეაცვლევინეს და ვერ აღალატებინეს საკუთარი სამშობლოსთვის.
ნურავის ექნება იმედი, რომ ბიძინა ივანიშვილი და მისი გუნდი, რაც არ უნდა მოხდეს, ქვეყნისთვის საზიანო გადაწყვეტილებას მიიღებს.
როგორ ჰგონიათ მავანთ რა ზეწოლაც არ უნდა განახორციელონ, ივანიშვილის მხარდამჭერთა რიცხვი შემცირდება? პირიქით მოხდება, რადგან მის მშვიდობის და შენების პოლიტიკას უმრავლესობის მხარდაჭერა აქვს და სანქციებით შანტაჟი კიდევ უფრო გაამყარებს მის მხარდაჭერას.
და ბოლოს, თუ აშშ მართლა ფორმალურად გააფორმებს სანქციებს, ეს უკვე ნამდვილად იქნება 26 ოქტომბრის არჩევნებში ჩარევა, ეს კი საბოლოოდ დაასრულებს ჩვენს ამდენწლიან ურთიერთობას, რაც ჩემთვის ძალიან სამწუხარო იქნება.
ისე ნუ გააკეთებენ, რომ ქართველი ხალხის თვალში სტრატეგიული პარტნიორი მოწინააღმდეგედ არ გადაიქცეს, რაც ორივე ქვეყნისთვის დამაზიანებელი იქნება", - წერს ნინო ფოჩხუა.
| სარეკლამო ადგილი - 11 650 x 60 |
