საფრანგეთის პრეზიდენტი ემანუელ მაკრონი ევროპული ქვეყნების ლიდერებს იარაღის ყიდვას ამერიკის ნაცვლად ევროპაში სთავაზობს. ინფორმაციას Politico ავრცელებს.

საფრანგეთის პრეზიდენტის განცხადებით, მას სურს დაარწმუნოს ევროპული ქვეყნები, რომლებიც ახლა სამხედრო აღჭურვილობასა და იარაღს ამერიკისგან ყიდულობენ, გადავიდნენ ადგილობრივი წარმოების შეიარაღებაზე.

„ვაპირებ წავიდე და დავარწმუნო ევროპული ქვეყნები, რომლებიც ამერიკულ [იარაღის] შესყიდვას მიეჩვივნენ. მათ, ვინც Patriot-ს ყიდულობს, ახალი თაობის ფრანგულ-იტალიური საზენიტო-სარაკეტო კომპლექსი SAMP/T უნდა შევთავაზოთ. მათ, ვინც F-35-ს ყიდულობს, Rafale უნდა შევთავაზოთ. ეს წარმოების ტემპების ზრდის საშუალებაა“, - ციტირებს გამოცემა მაკრონს.